Ínohlukoh 1:1 - Noon

¹ Këyítfii fii woꞌ ga loo iñcii Kooh eꞌ Yéesu Kiristaa kiteeɓ súrgacaagari, en ɗanaa, ɓa ínoh iñcaa joman kilaak ga iñaa maañanndii. Fodaama, Yéesu Kiristaa wossa malaakaagari ga súrgaci Saŋ, ya ínohlukohhiꞌca.

Ínohlukoh 1:1 ပူးပေါင်းရင်းမြစ်များ

Saŋ 12:49

Ndaga mi woꞌꞌii ga teekkoo wayee Paamudii wossooɗa yërí nakkoo ga kihafci iñii mi jom kiwoꞌ na iñii mi jom kijëgírohɗa.

Saŋ 15:15

Mi ɓaysisoorúu ga teekii súrga, ndaga súrga ínohoo dara ga iñaa haꞌ-kaanci tumi. Mi ɓayyúu ga teekii fiilii, ndaga mi oninndúu kiꞌínoh ɓéeɓ iñaa mi ɓewoh ga Paammbooɗa.

Saŋ 17:8

Woꞌeencaa fu ereerooɗa, en kiꞌenaa mi erinɓaca ee ɓa teꞌinca. Wóorinɓa píŋ an mi kúlkoh garaa ee ɓa gëmin an fu yërí wossoo.

Saŋ 3:32

Ya woꞌ iñaa ya hotɗa na iñaa ya kelohɗa ee ken gëmmbii iñii ya seediꞌɗa.

Saŋ 8:26

Mi mínin garúu kiwoꞌ enaama ciyewin ee mi mínin kiꞌattiꞌ garúu enaama ciyewin. Ee ɓaa wossooɗa ɓoꞌ-kayoh, ee mi yéegal ɓu-ëldúna iñaa mi ɓewoh gariɗa.

Room 16:25

Kon, ɗu kañat Kooh. Ya yërí laak doolaa wëñannduu kiɓaat kiyëgís ga ngëmiiɗa. Ee iñaama yërí mi woꞌi, mi en na kiyéegaloh Hewhewii winéwíꞌwii woꞌ ga loo Yéesu Kiristaaɗanaa. Kooroh ga Hewhewii winéwíꞌwiima, Kooh ínohlukohha ɓéeɓ kúmpafaa ya ɗaakee kumëeñíꞌ,

Galaat 1:12

Mi laassiiwa ga ɓoꞌ-súusúus ee ken jëgíꞌtiiroowa wayee Yéesu Kiristaa na kihafci yërí ínohlukohhoowa.

Efees 3:3

Kooh teewinndoo, onndaroo kiꞌínoh kúmpafaa meyoh gariɗa. Iñaama, laakin iñcaa mi laassúu ga kibín ga ɗook.

Tít 1:1

Mi Pool, mi súrga Kooh ee mi apotaaꞌ Yéesu Kiristaa. Mi sasu kinook ga ngëmii ɓuwii Kooh tanukɗa na kiꞌínohlukohɓa kayohfii taaboh na ngëmiigaruuɗa,

Ínohlukoh 1:19

Kon iñcii fu hotɗa, bídaaca ga këyít. Fu bín iñcii en na kilaakɗa na caa tíkan ga, ƴah kilaakɗa.

Ínohlukoh 1:9

Mi Saŋ, mbokiigarúu, mi bokin narúu kidaƴ coonu, mi bokin narúu Nguurii Kooh, na kiguuꞌguuluk ga kiꞌennduu wíinoo na Yéesu. Mi toolsee na dooli, mi ɓayussa Patmos, dëkaa giiyaa wíilɗa, ndaga dii mi yéegalohi Woꞌeenii Kooh, mi seediꞌi Yéesu Kiristaaɗa.

Ínohlukoh 17:1

Waa ennda ɗa, yíinoo ga maalaakacaa ɓiyitnaɓanakɓaa ɓay kaas mesiklaatcaa ciyitnakanakcaaɗa, hayya, woꞌꞌaroo an: - Hay, mi teeɓpaa attiꞌii sek ɓeti faankoh-pakaƴfii fiyaakfii yípuk ga yahaa giiƴcii ciyaakciiɗa.

Ínohlukoh 19:10

Waa ennda ɗa, mi jafukka kakay ga kotcaagari kijaamukki. Wayee ya woꞌꞌaroo an: - Múk, kaa tum iñuma. Mi súrga doŋ fodiigaraa, fodii ɓan mbok-kerceencaagaraa abu kayohfaa Yéesu seediꞌɗa. Jaamukaa Kooh! En kiꞌenaa, kayohfaa Yéesu seediꞌɗa fërí léeríꞌ helcaa sëldíiga-Koohcaa.

Ínohlukoh 19:9

Malaakaa dallaroo kiwoꞌ an: - Bídaa iñii yii: Ɓa yewinin múuꞌ, ɓuwii ɓayu kiñam ga sëgílookfii Kubaalkiiɗa. Tíkka ga, ya woꞌissaroo an: - Woꞌeencuma Kooh woꞌca sah-sah.

Ínohlukoh 21:2

Mi hotta ɓan teeraa wiselaꞌíꞌwaa, Yéerúsaleemyaa yiꞌasyaa, yaa yoosukoh asamaan meyoh ga Kooh. Wa waayukuunun bi jekin en fan kílookkaa hëwíruk kiƴah kaan ƴaalci.

Ínohlukoh 21:9

Waa ennda ɗa, yíinoo ga malaakacaa ɓiyitnaɓanakɓaa ɓayu kaascaa ciyitnakanakcaa líif na mesiklaatcaa ciyitnakanakcaa mëeñjohɗa, hayya garoo, woꞌꞌaroo an: - Hay, mi teeɓpaa kílookkii, kii en ɓetifii Kubaalkiiɗa.

Ínohlukoh 22:1

Tíkka ga, malaakaa teeɓparoo húlúɓ, waa músúmaa onohi kipes. Wa waa melic fodii seetu, ee wa waa haaloh ɗekataa baŋ-buuraa Kooh enoh, ya na Kubaalkiiɗa,

Ínohlukoh 22:16

Yéesu woꞌ an: - Mi Yéesu, mi wosin malaakiigoo kiyéegallúu iñciima tóoh ga ɗuuƴ jaangucii. Mi yërí en kuumkii paal ga buuꞌ Dëwít ee bok ga heetiigariɗa. Mi yërí en olii wiléeríꞌwii meyi na kímɗa.

Ínohlukoh 22:6

Tíkka ga malaakaa woꞌissaroo an: - Woꞌeencii cii wóorin ee kayoh kesi. Ee Kooh, Haꞌmudii, yii léeríꞌ helcii sëldíigaciigariɗa, wosin malaakiigari kiteeɓ súrgaciigari iñcii ƴah kilaak ga iñaa maañanndiiɗa.

Ínohlukoh 22:8

Mi Saŋ, mi yërí keloh iñcii cii, mi hottaca. Ee wii mi kelohha, mi hottacaɗa, mi jafukka kakay ga kotcaa malaakaa teeweeroocaɗa, kijaamukki.

Ínohlukoh 22:9

Malaakaa nak dallaroo kiwoꞌ an: - Watuka! Kaa tumka. Mi, mi súrga fodiigaraa, fodaa ɓan mbokcaagaraa, sëldíiga-Koohcaa, na ɓan ɓéeɓ ɓuwaa taabuk woꞌeencii bídu ga Këyítfii fiiɗa. Jaamukaa Kooh!.

Ínohlukoh 4:1

Waa ennda ɗa, mi hotta halaa lëgísuk ga asamaan. Koonaakaama man na mbiiɓ wiyaak ee ɗeweera naroo kiwoꞌɗa, woꞌissaroo an: - Lapaa dii, mi teeɓpaa iñii tík ga, ƴah kilaakɗa.

Ínohlukoh 5:7

Kubaalkaa deeƴca kiɓeɓ Këyítfaa en ga yah-ñaabaa ɓaa yuŋ ga baŋ-buuraaɗa.