Efees 4:6 - Noon

⁶ Kooh yíinoo yërí laak, ee yërí en Paamudii ɓéeɓ ɓuwii. Yërí hanoh ɓéeɓ ɗook, ya tumeenciigari koorohi ga ɓaa en ɓéeɓ ee ya dëk ga ɓéeɓ.

Efees 4:6 ပူးပေါင်းရင်းမြစ်များ

Mëccëe 6:13

Ee kaa íissíi ɗí keen ga fíꞌ Seytaani, wayee músalaaríi ga sépíꞌíꞌ-ga-nofii, [ndaga fu yërí laak kinguuruk, fu yërí laak kimín, fu yërí laak ndam, bi taaꞌ. Aameen].»

Mëccëe 6:9

Kon ɗú jom kikíim Kooh anee: «Paammbíi yii ga ɗookɗa, ɓéeɓ ɓuwii ínohat kiselaꞌkii teekiigaraa,

Saŋ 14:23

Yéesu taassari an: - Binaa ɓoꞌ waaꞌtoonaa, hay kiꞌam ga keeñci iñaa mi woꞌ. Ee Paamnboo hayyi kiwaaꞌ, mi na Paammboo ɗí hay gari ee ɗí dëk ga kaanci.

Saŋ 17:26

Mi oninɓa kiꞌínohhaa ee mi hayyaa kiɓaat kiꞌínohlukoh gaɓa, en ɗanaa, kiwaaꞌkiigaraa narooɗa leꞌ bi gaɓa ee mi ga kihaffoo, mi en ga ɗuuƴɓa.

Saŋ 20:17

Yéesu woꞌꞌari an: - Kaa tëhdohhoo ndaga mi kaꞌtii ɗook ga Paamudii duum. Wayee kara, fu woꞌnee tëelíbéecaagoo an mi yii ƴah ɗook ga Paammboo, yii en Paammbúuɗa, ga Koohyiigoo, yii en Koohyiigarúuɗa.

Room 11:36

En kiꞌenaa, tóoh meyoh gari; ya yërí tum tóoh ee tóoh eniꞌti. Ndam aawat gari bi taaꞌ! Aameen.

1 Korenti 12:6

Iñcii Kooh oni ɓuwii kitumɗa, ca wóotírohin, wayee ya yii ya mínlukoh ɓéeɓ kitum iñaa en tóohɗa, ya yíinoo.

1 Korenti 8:6

Wayee en garuunaa, Kooh yíinoo doŋ yërí laak: yërí en Paamudii, yii sak iñaa en tóoh ee ɗu aƴ kipessuu gari. Ee ɓan Haꞌmun yíinoo doŋ yërí lak: yërí en Yéesu Kiristaa, ya yii tóoh saku koorohha gari ee yërí en kipessuuɗa.

2 Korenti 6:16

Kaanfii Kooh mínan na akitohu na koofcii yiifaꞌcii? En kiꞌenaa, ɗu ɓërí en Kaanfii Kooh yii laak kipesɗa, fodaa ya ga kihafci ya woꞌkaɗa an: «Mi ƴah kidëk naɓa, mi taabi naɓa, mi yërí ƴah kiꞌen Koohyiigaɓa, ɓa ɓërí ƴah kiꞌen heetiigoo».

Efees 1:21

Daama, Kiristaa hanohɗussa ga ɗook iñcii ga díkaanti ɗook na kakay, ca cii nguuruk, ca kaañukoo, ca laakin dooli ee ca toon dooliɗa. Ya hanohɗussa ga ɗook ɓéeɓ teek, waa ɓoꞌ mín kiɓayohu. Iñaama eemmbii doŋ ga jamaanii diima, wayee bi ga sah jamaanucaa ƴah kihayɗa.

Efees 2:22

Ɗú ɓan, waa ɗú enin wíinoo na Haꞌmudii, ɗú bokidohuunun ga tawahiima, ee ɗú ɓërí en Kaanfiima Kooh kooroh ga Heliigari yiselaꞌíꞌyii, dëkka gafaɗa.

Efees 3:17

Ee kooroh ga ngëmaamaa, Kiristaanii dëk ga keeñciigarúu, ndaga dii ɗú gëm gariɗa. Yípat níil ga ɗuuƴ kiwaaroh ee ɗú tawah kipessúu ga kiwaarohkiima ga díkaantirúuɗa.

Efees 6:23

Kon mi yii kíim Kooh Paamudii ya na Yéesu Kiristaa, Haꞌmudii, ɓa on ɓéeɓ mbok-kerceencii jam. Ɓa onndúu kiwaaroh yaa en ɓéeɓ na mooroomci, taam na kigëm ga Yéesu.

1 Saŋ 3:24

Ɓaa taabuk iñcuma Kooh nakoh kitumɗanaa, ya en wíinoo na Kooh ee Kooh dëk gari. Ee Helii yiselaꞌíꞌyii ya onnduuɗa hayyuu kiꞌon kiꞌínoh an ya yii dëkka garuu.