2 Korenti 3:3 - Noon

³ Leerin an ɗú en këyítfaa faama Kiristaanii bín kidíŋkaanohhíi, ɗí haydohhafa garúuɗa. Këyítfiima bídohussii na laŋkaꞌ, wayee fa bídohu na Helii Kooh yii laak kipesɗa. Fa bídussii ga atohcaa pesu kibídohuɗa, wayee fa bídu ga ɓoꞌ-súusúus, ga ɗuuƴ keeñaagari.

2 Korenti 3:3 ပူးပေါင်းရင်းမြစ်များ

Mëccëe 16:16

Simoŋ-Peeꞌ taassa an: - Fu yërí en Kiristaanii, Kowukii Koohyii en na kipesɗa.

1 Korenti 3:5

Ee sah, ɓii en Apoloos ɓa? Ɓii en Pool ɓa? Ɗí, ɗí súrga Kooh kep, ee ɗú kooroh garíi hen, kiꞌaas ga ngëmii. Yaa en ɓéeɓ garíi tum lëgëyaa Haꞌmudii sassiɗa.

2 Korenti 3:6

Kooh yërí onndíi kiꞌen ɓisúrga ɓaa en na kiyéegaloh kifiiliimunkii kiꞌaskii. Kifiiliimunkiima enndii kaa bínsee ga Waasii Móyíisɗa, wayee ka kooroh ga Helii yiselaꞌíꞌyii. En kiꞌenaa, Bíncii Waasii Móyíis ëewdoh ɓoꞌ ga kikaan, wayee Helii yiselaꞌíꞌyii onohi kipes.

2 Korenti 3:7

Waasii Móyíis bínsee hen ga atohcaa pesu, ee leeꞌlaataa ndamaa Kooh hotukka ga. Fíkíifaa Móyíis melicee hen bi ɓu-Isarayeel mínsiséeríi gafa kimalak. Moona déy leeꞌlaataama aawee ga kiƴím. En lak waasiima ëewdohin ɓuwii ga kikaanɗa wërí hay, taammba na ndamaa hín ɗa kiyakaa,

2 Korenti 6:16

Kaanfii Kooh mínan na akitohu na koofcii yiifaꞌcii? En kiꞌenaa, ɗu ɓërí en Kaanfii Kooh yii laak kipesɗa, fodaa ya ga kihafci ya woꞌkaɗa an: «Mi ƴah kidëk naɓa, mi taabi naɓa, mi yërí ƴah kiꞌen Koohyiigaɓa, ɓa ɓërí ƴah kiꞌen heetiigoo».

1 Tesaloník 1:9

Ɓéeɓ ɓuwaa ɓaa ɓéestíꞌkoh tookaa ɗú tookkíi ga waa ɗí hay dëkumgarúu, na daa ɗú foñ koofcaagarúu, ɗú aawwa kijaamuk Koohyii yukayohyii en na kipesɗa.

Yaawúuꞌcaa 10:16

«*Haꞌmudii woꞌ an: kifiiliimunkii kii, kërí mi ƴah naɓa kipokoh. Binaa bescaama paafaa, mi hay kitum iñcii mi ebilohɗa ga keeñɓa, mi bínca ga helɓa.»

Yaawúuꞌcaa 8:10

Kifiiliimunkii kiima kërí mi ƴah kipokoh na heetii ɓu-Isarayeel, besciima paafaa: Mi hay kisoꞌ iñcii mi ebilohɗa ga helɓa, mi bínca ga keeñɓa. Mi ƴah Koohyiigaɓa ee ɓa ƴah heetiigoo.

Yaawúuꞌcaa 9:14

En an iñaama laakohɗanaa, wëñaa ga ñífaa Kiristaanii paafin ñífoo ñífɗa! Ya erohin hafci sarah ga Kooh, waa laakoo sík, kooroh ga doolii Helii yiselaꞌíꞌyii ƴah bi taaꞌɗa. Fodaama ya hay kiꞌsétíꞌ keeñciigaruu bi ɗu tumsisoo iñcaa ëewdohi ɓoꞌ ga kikaanɗa; en ɗanaa ɗu mín kijaamuk Kooh yii laak kipesɗa.

Ínohlukoh 2:1

Ɓaa yaama woꞌissaroo an: - Bídaa woꞌeencii cii, fu wosohca ga malaakaa watuki ɓu-jaangaa ga teeraa Efeesɗa. Woꞌaari an iñii yii meyoh ga kúuw ɓaa am ga yahci ñaam olcaa ciyitnakanakcaa ee ya tíin ga leeloo tofaaꞌ-lampu-wúrúuscaa ciyitnakanakcaaɗa.

Ínohlukoh 2:12

Ɓaa woꞌissaroo an: - Bídaa woꞌeencii cii, fu wosohca ga malaakaa watuki ɓu-jaangaa ga teeraa Pergaamɗa. Woꞌaari an iñii yii meyoh kúuw ɓaa yaama ɓay kalaɓfaa ɓakcaa kanakcaa kaañinɗa.

Ínohlukoh 2:18

Ɓaa yaama woꞌissaroo an: - Bídaa woꞌeencii cii, fu wosohca ga malaakaa watuki ɓu-jaangaa ga teeraa Tíyaatíiꞌɗa. Woꞌaari an iñii yii meyoh kúuw Kowukii Kooh, kii hasciigari baci en fan kiwiikaa jaalohinɗa ee kotcaa melici en fan përëmaa útu ga kiwii. Ya woꞌ an:

Ínohlukoh 2:8

Ɓaa yaama woꞌissaroo an: - Bídaa woꞌeencii cii, fu wosohca ga malaakaa watuki ɓu-jaangaa ga teeraa Ismíiꞌɗa. Woꞌaari an iñii yii meyoh kúuw ɓaa yaama enee, lak dara sakussiiɗa ee ƴah kiꞌen binaa tóoh leehaa. Ya kaaneera ee ya mílísin.

Ínohlukoh 3:1

Ɓaa yaama woꞌissaroo an: - Bídaa iñii yii, fu wosohwa ga malaakaa watuki ɓu-jaangaa ga teeraa Sardesɗa. Woꞌaari an iñii yii meyoh ga kúuw ɓaa ɓay helcaa Kooh ciyitnakanakcaa na olcaa ciyitnakanakcaaɗa. Ya woꞌ an: «Mi hotin lëgëyumgaraa, ɓuwii hotohhaa ɓaa en na kipes wayee fu kaanin.

Ínohlukoh 3:14

Ɓaa yaama woꞌissaroo an: - Bídaa iñii yii, fu wosohwa ga malaakaa watuki ɓu-jaangaa ga teeraa Lawodíséeɗa, woꞌaari an iñii yii meyoh kúuw ɓaa yaama woꞌu Aameen, ee yërí en seedii yiwóoríꞌyii, yukayohyii, yii ɓéeɓ iñcii Kooh sak kooꞌ yahciɗa.

Ínohlukoh 3:22

Ɓéeɓ ɓaa fu laakin nof kikelohaa, súkúrukaa iñii Helii Kooh woꞌ ëewdoh ga jaanguciiɗa.

Ínohlukoh 3:7

Ɓaa yaama woꞌissaroo an: - Bídaa iñii yii, fu wosohwa ga malaakaa watuki ɓu-jaangaa ga teeraa Fílaadelfíiɗa. Woꞌaari an iñii yii meyoh kúuw ɓii yiselaꞌíꞌyii ee ya en kayoh-kayohɗa, yii ɓay kucëwíikii buuꞌ Dëwítɗa. Ya lëgísaa, ken mínoo kilaŋ ee ya lagaa, ken mínoo kilëgís.