1 Peeꞌ 1:23 - Noon

²³ Ɗú límuksin kilímuk kiꞌas kaa meyohhii ga pesohpaa ƴah kiyasukoh, wayee ka meyoh ga pesohpaa yasukohanndii. Ee pesohpiima përí en Woꞌeenii Kooh onohi kipes ee wa tuukan bi taaꞌɗa.

1 Peeꞌ 1:23 ပူးပေါင်းရင်းမြစ်များ

Mëccëe 24:35

Asamaanii na kakayfii hay kifaay wayee woꞌeenndoo faayoo múk.

Lúkkaa 8:11

Yéesu woꞌꞌaɓa an: - Iñii yii yërí liiwukii waaꞌ kiwoꞌ: pesohpaa përí en woꞌeenaa Kooh.

Saŋ 1:13

Ɓa enin ɓitowu Kooh, enndii fodii ɓaa límuk ga ɓoꞌ, wayee Kooh yërí onɓa kipeskaa kiꞌaskaama.

Saŋ 1:3

Iñaa Kooh tum tóoh, kooroh gari. Laakkii iñaa en ee koorohhii gari.

Saŋ 3:3

Yéesu taassari an: - Kayoh-kayohɗa mi woꞌꞌaaka: Ken mínoo kihot Nguurii Kooh enndii an ya límukis henaa.

Saŋ 3:5

Yéesu taassari an: - Kayoh-kayohɗa mi woꞌꞌaaka: ɓaa fu límukkii ga músú na Helaa Koohaa, fu mínoo kiꞌaas ga Nguuraa Kooh.

Saŋ 6:63

Helii meyoh ga Koohɗa wërí onohi kipes. Ɓoꞌ na kihafci mínoo dara. Woꞌeencii mi woꞌꞌúuɗa kúlkoh ga Helaa meyoh ga Koohɗa ee cërí onohi kipes.

Room 1:23

Ɓa aawwii kijaamuk Kooh yii laak ndam ee kaanooɗa, ɓa nammba kiꞌaaw kijaamuk nataal ɓoꞌ-súusúus yii kaaninɗa, sel, júuꞌ, na fasukohcii.

Yaawúuꞌcaa 4:12

En kiꞌenaa, Woꞌeenii Kooh wii pes ee wa laakin dooli. Wa wërí wëñ kikaañ kalaɓ faa ɓakcaa kanakcaa kaañin. Wa aasi ga ɗuuƴcuu bi ga daa wëñ kihuutɗa, wa leꞌnee bi ga fítii, helii, tëpíscii na fabuuƴfii. Wa mínin kimeƴdoh faŋ iñaa ɓoꞌ halaat na iñaa ɓoꞌ am kitum ga keeñci.

Saak 1:18

Neɓ Kooh hen ya límmbaruu, koorohha ga woꞌeenii en kayohɗa, doonaa ɗu en fodaama ɓuwii kuliyuk ga tóoh iñcii ya sakɗa.

1 Peeꞌ 1:25

wayee Woꞌeenii Haꞌmudii tuukan bi taaꞌ.» Ee woꞌeeniima wërí en Hewhewii winéwíꞌwii ɗú yéegalseeɗa.

1 Peeꞌ 1:3

Ɗu kañat Kooh, Paamudii Yéesu Kiristaa, Haꞌmudiigaruu. Ga yërmaandaagari wiyaakwaa, ya oninnduu kilímukis ga kipes kiꞌas, ee ɗu laakin yaakaaraa onohi kipes, ga daa ya mílísiꞌ Yéesu Kiristaa ga kikaankaaɗa.

1 Saŋ 3:9

Ɓéeɓ ɓaa en kowu Kooh, dëkoo ga kitum baakaaꞌ, ndaga iñaa Kooh sok gariɗa wërí paal gari. Ya mínoo kidëk ga kitum baakaaꞌ, ndaga ya kowu Kooh.

1 Saŋ 5:18

Ɗu ínohin an ɓaa en kowu Kooh dëkoo ga kitum baakaaꞌ. En kiꞌenaa, Kowukii Kooh kërí watukiri ee sépíꞌíꞌ-ga-nofii mínoo yen gari.