Roma 1:7 - Ginitago Variguna

⁷ Ḡomi Roma nuḡanai ḡotanuni tarimami mabarami, Barau na eura-vinimini e ekeamito, ḡena veaḡa tarimari ai ḡoiaḡoto, ḡomi avaḡa-namomini: Barau ḡita Tamara ema ḡera Vereḡauka Iesu Keriso ḡerina varevare-bara ema maino ḡemi ai bene tanu.

Roma 1:7 ပူးပေါင်းရင်းမြစ်များ

Mataio 5:16

Ilailana, ḡomi ḡemi mama tarimarima ḡoirari ai moḡesi boḡono vaḡa-foforiri, be ḡemi veiḡa namori beḡene ḡitari, benamo Tamami gubai etanuni tu beḡene vaḡa-raḡea.”

Ioane 20:17

Iesu na ekiraiato, ekirato, “Au asi noḡabi-tarigu, korana au tu Tamagu ḡenai roḡosi roḡo bara varaḡe. Senaḡi noiaḡo au tarikakagu ḡeri ai, benamo bono kirari, ‘Au tu au Tamagu e ḡomi Tamami, ema au ḡegu Barau e ḡomi ḡemi Barau ḡenai avaraḡeni.’”

Apostolo 15:23

Mai fefa tu ḡia ḡesi ḡetuḡu-iaḡoato: “Ḡai ḡomi tarikakami veḡabidadama nuḡanai, apostolo tarimama e ekalesia ḡeḡita-taḡoani tarimama na ḡema vevaḡa-namo ḡatuḡu-iaḡosiani, ḡomi tarikaka veḡabidadama nuḡanai irau bese tarimami, Antioka ai, Siria ai, e Kilikia ai ḡotanuni tarimami mabarami ḡemi ai.

Apostolo 9:13

Anania evaḡa-veseto, ekirato, “Vereḡauka, tarima ḡutuma na ḡegu ḡekiraḡito, mai tau na Ierusalemai ḡoi ḡemu tarimarima veaḡari tu veiḡa rakava kwaikwairi evei-vinirini.

Roma 1:6

Ma ḡomi maki, Roma nuḡanai ḡotanuni tarimami, ḡia ḡesi Barau na ekea-sebonamito, Iesu Keriso ḡena tarimarimai boḡono iaḡo ḡana.

Roma 5:1

Moḡa lorinai ḡita tu ḡera veḡabidadama lorinai, Barau ekirato, ḡita tu vei-iobukaiobuka tarimara etato, ma ḡera Vereḡauka Iesu Keriso ḡenana Barau ḡesi maino taḡabiato.

Roma 5:5

Mai tuḡamaḡikau na tu asi bevaḡa-dabara dokorani, korana tu Barau na Iauka Veaḡa evinirato, maiḡa ḡenana ḡita lorura ḡuturi ai Barau na ḡena veuravini ebubu-ḡuraiato.

Roma 8:28

Ḡita ribara, deikara Barau ḡeura-viniani tarimari na ḡeri ai karakara ḡeḡorani dagarari mabarari ḡerina namo beḡe ḡoitaḡorini. Korana moḡeri tarima tu ḡia na ḡena ura lorinai ekearito, maḡuri beḡene ḡabia ḡana.

Roma 8:39

guba tuḡunai dagara ta o tanobara gaburenai mase gabuna dagarana ta, o Barau ḡimana veiveiri dagarana ta na asiḡina-ḡinavaḡi Barau ḡena veuravini na beḡabi-veḡitarani, mo veuravini tu Barau na ḡita evinirato, korana ḡita tu ḡera Vereḡauka Keriso Iesu nuḡanai tatanuni.

Roma 9:25

Hosea nuḡanai eguruḡato kavana, ekirato, “Ḡia tu dia au ḡegu tarimarima, senaḡi ‘au ḡegu tarimarimai’ bakiraḡirini, ema asi aura-vinirini doḡorona bakiraḡirini, bakirani, ‘ḡegu uravini doḡorona’ batoni,

1 Korinto 1:24

Senaḡi Barau na ekearito tarimari, Iuda tarimari e Grik tarimari, ḡita mabarara ḡerai Keriso tu Barau ḡena seḡuka ema Barau ḡena iaunega.

1 Korinto 16:23

Ḡera Vereḡauka Iesu Keriso ḡena namo e varevare-bara ḡomi ḡemi ai bene tanu.

2 Korinto 13:14

Vereḡauka Iesu Keriso ḡena namo e varevare-bara ema Barau ḡena veuravini ema Iauka Veaḡa ḡena vekako namona, ḡomi mabara-barami iatami ai bene tanu.

Galatia 6:18

Tarikakagu mabarami, ḡita ḡera Vereḡauka Iesu Keriso ḡena namo ma varevare-bara ḡomi mabarami iaukami ḡesi bene tanu. Amen.

Efeso 1:2

Barau ḡita Tamara ema Vereḡauka Iesu Keriso ḡerina varevare-bara e maino ḡemi ai bene tanu.

Efeso 6:23

Maino tarikaka mabarami ḡesi bene tanu. Tamara Barau ema Vereḡauka Iesu Keriso ḡerina eiaḡomani veuravinina ma veḡabidadamana ḡesi maki tarikaka mabarari ḡesi bene tanu.

Filipi 1:2

Barau ḡita Tamara ema ḡera Vereḡauka Iesu Keriso ḡerina varevare-bara ema maino ḡemi ai bene tanu.

Filipi 4:13

Maḡuri aiḡesina ḡegu ai evetoreni, senaḡina asi ḡegu daradara, korana Keriso na ḡena seḡuka eviniguni nai.

Filipi 4:20

Tamara Barau bitana vaḡa-raḡea vanaḡivanaḡi, Amen.

Filipi 4:23

Vereḡauka Iesu Keriso ḡena namo ema varevare-bara ḡomi tata iatami ai bene tanu.

Kolose 1:2

ḡomi tarikakama Kolose nuḡanai ḡotanuni ḡemi. Keriso ḡena maḡuri nuḡanai ḡita tu tarikaka. Ḡomi tu Barau ḡena tarima veaḡami ema ma ḡemi vetuḡamaḡikau maki. Ḡita Tamara Barau ḡena varevare-bara ema maino ḡomi ḡemi ai bene tanu.

Kolose 3:12

Ḡomi tu Barau na varau eḡabi-viriḡimito tarimami, e ḡena veaḡa tarimami, ema Barau na euravini-rakavamini tarimami. Moḡa lorinai vevetuḡaḡwa, veiau-namo, manau, marana, ema vevaḡa-gwaḡiḡi maḡuriri na boḡono vedabuḡa.

Kolose 3:15

Keriso ḡena maino na nuḡami bene ḡori-kauri. Korana Barau na ḡomi ekea-vegogomito anina tu, tauḡani sebonai boḡono iaḡo, benamo maino ai moḡo boḡono tanu. Ema Barau boḡono tanikiu-vinia.

1 Tesalonika 1:1

Ḡai tauma toitoi, Paulo, Silas, e Timoteo, na Tamara Barau ema Vereḡauka Iesu Keriso ḡena ekalesia Tesalonika nuḡanai ḡatore-vinimini. Varevare-bara ema maino ḡemi ai bene tanu.

1 Tesalonika 1:3

Korana Barau, ḡita Tamara, ḡoiranai ḡavetuḡamaḡi-taḡoni, ḡomi ḡemi veḡabidadama kamasi ḡotovo-naḡirini, e ḡemi veuravini ai kamasi ḡoḡunaḡaveni, ema ḡemi vetuḡamaḡikau ḡita ḡera Vereḡauka Iesu Keriso ḡenai kamasi ḡovaḡa-gwaḡiḡirini.

1 Tesalonika 1:4

Tarikakama mabarami, ḡai ribama ḡomi tu Barau na eura-vinimini ema ḡia na eviriḡimito ḡia ḡena.

1 Tesalonika 4:7

Korana Barau na ekearato tu dia tana mata-boraḡa e tana veḡura-vanaḡi, senaḡi tana veaḡa ḡana.

1 Tesalonika 5:28

Ḡera Vereḡauka Iesu Keriso ḡena varevare-bara ḡomi ḡemi ai bene tanu.

2 Tesalonika 1:2

Barau ḡita Tamara ema Vereḡauka Iesu Keriso ḡerina varevare-bara e maino ḡemi ai bene tanu.

2 Tesalonika 3:16

Vereḡauka, ḡita ḡera maino korana, ḡia na ḡaro vanaḡivanaḡi ḡena maino bene vinimi ḡemi maḡuri tata nuḡari ai. Vereḡauka ḡomi mabarami ḡesi bene tanu.

2 Tesalonika 3:18

Ḡera Vereḡauka Iesu Keriso ḡena varevare-bara ḡomi mabarami ḡemi ai bene tanu.

1 Timoteo 1:2

Timoteo, ḡoi atore-vinimuni, natugu korikori veḡabidadama nuḡanai. Barau ḡita Tamara ema Keriso Iesu ḡita ḡera Vereḡauka ḡerina varevare-bara, vevetuḡaḡwa, e maino ḡemu ai bene tanu.

1 Timoteo 6:2

Bema tuḡunaḡi ḡeiaḡo-vinini tarimari ḡeri baregori tu Iesu ḡevaḡa-moḡoniani tarimari nai tu, maiḡesi asi beḡene tuḡamaḡi, “Mai tu au tarikakagu, be garona asi naseḡaḡia e asi nagubakaua.” Asiḡina! Ḡia tu maiḡesi neḡi beḡene vei, ḡeri baregori ḡeri vetuḡunaḡi misikose mabarari beḡene iaḡovini-ginikau. Korana ḡia ḡeri ḡauvei ḡena namo tu ḡeri baregori, Iesu ḡevaḡa-moḡoniani tarimari, na beḡe ḡabiani; moḡeri tu ḡia ḡatari namori. Maiḡeri dagara ḡia bono vaḡa-ribari ema bono launaḡi-iaḡiri.

2 Timoteo 1:2

Timoteo, ḡoi atore-vinimuni, natugu, aura-vinimuni. Barau ḡita Tamara ema Keriso Iesu ḡita ḡera Vereḡauka ḡerina varevare-bara, vevetuḡaḡwa, e maino ḡemu ai bene tanu.

2 Timoteo 4:22

Vereḡauka tu ḡoi iaukamu ḡesi bene tanu. Barau ḡena namo e varevare-bara ḡomi ḡemi ai bene tanu.

Tito 1:4

Tito, mai fefa tu ḡoi ḡemu atore-iaḡosiani. Ḡoi tu au natugu korikori ḡita ḡera mai veḡabidadama sebona maiḡa nuḡanai: Tamara Barau ema Keriso Iesu ḡita ḡera Vevaḡa-maḡuri Verena ḡerina varevare-bara ema maino ḡemu ai bene tanu.

Filemona 1:25

Vereḡauka Iesu Keriso ḡena varevare-bara mabarami ḡemi ai bene tanu.

Filemona 1:3

Tamara Barau ema Vereḡauka Iesu Keriso ḡerina maino ema varevare-bara ḡemi ai bene tanu.

Iakobo 1:1

Au Iakobo (o Iames), Barau e Vereḡauka Iesu Keriso ḡeri vetuḡunaḡi tarimagu, ḡeguna mai fefa eiaḡosini, ḡomi Isaraela doḡoromi gabanana ruarua (12) tanobara boruri ai ḡotanu-lausilausini ḡemi ai. Avaḡa-namomini.

1 Petero 1:15

Senaḡi ekeamito Barauna tu veaḡa, ilailanai ḡomi maki boḡono veaḡa ḡemi veiḡa mabarari nuḡari ai.

1 Ioane 3:1

Ḡoḡitaia, Tamara ḡena veuravini tu asikeikeina ḡita iatarai etoreato. Moḡesi naima ḡita ekiraḡirani Barau natuna. Moḡoni, ḡita tu ḡia natuna. Moḡa lorinai tanobara na maki asi eribarani, korana Barau maki asi ḡeribaiato.

2 Ioane 1:3

Tamara Barau ema Iesu Keriso, Tamara Natuna, ḡerina varevare-bara, vevetuḡaḡwa, ema maino ḡemi ai bene tanu, moḡoni ai e veuravini ai.

Apokalupo 2:1

“Efeso ai ekalesia doḡorona ḡeri aneru tu maiḡesi bono tore-vinia: Ḡimana aroribanai visiḡu imaima ruarua (7) eḡabi-taḡorini ema golo na lamefa torekauri ḡeveirito dagarari 7 vekaravari na erakaoni tarimana ḡena guruḡa tu maiḡeri.

Apokalupo 2:12

“Pegamo ai ekalesia doḡorona ḡeri aneru tu maiḡesina bono tore-vinia: Ḡena vetari baḡana matana reketa-reketa ma ragari tarimana ḡena guruḡa tu maiḡeri:

Apokalupo 2:18

“Taiatira ai ekalesia doḡorona ḡeri aneru tu maiḡesina bono tore-vinia: Barau Natuna, matana tu karava moreri noḡa moḡo kimorekimore, ma kwakuna fanafanari tu auri boraborari karava na ḡegaburini, benamo ḡevei-ginikaurini nai ḡeveḡia-veḡiani kavana, ḡena guruḡa tu maiḡeri:

Apokalupo 2:29

Ma seḡana tarimana na Iauka Veaḡa na ekalesia doḡorori kara ekiravara-vinirini guruḡari bene seḡaḡiri.”

Apokalupo 2:8

Smena ai ekalesia doḡorona ḡeri aneru tu maiḡesina bono tore-vinia: “Giniguinena ema dokona, e emaseto benamo ma emaḡuri-ḡenoḡoito tarimana ḡena guruḡa tu maiḡeri:

Apokalupo 22:21

Iesu Vereḡauka ḡena namo ema varevare-bara ḡomi mabarami iatami ai bene tanu. Amen.

Apokalupo 3:14

“Laodikea ai ekalesia doḡorona ḡeri aneru tu maiḡesina bono tore-vinia: Guruḡa moḡoni korikorina ekiraḡiani tarimana arana Amen ḡenana eiaḡosini. Ḡia tu ma ḡena vetuḡamaḡikau e Barau ḡena guruḡa evaḡa-moḡoni korikoriani ema ekiraḡi-foforiani tarimana, ema Barau na eveirito dagarari mabarari ḡenana ḡeiaḡomato tarimana ḡena guruḡa tu maiḡeri:

Apokalupo 3:22

Ma seḡana tarimana na Iauka Veaḡa na ekalesia doḡorori kara ekiravara-vinirini guruḡari bene seḡaḡi.”

Apokalupo 3:7

“Filadelfia ai ekalesia doḡorona ḡeri aneru tu maiḡesina bono tore-vinia: Davida ḡena ki, (vevaḡa-maḡuri kina), eḡabi-taḡoani tarimana, tarima veaḡana ema moḡoni korikorina. Ḡia na kara bekeo-fakaiani, tarima ta na asi ma bekou-ḡauani riba, ema bekouani dagarana ta na asi ilaila ma bekeoani riba. Mai tarima ḡena guruḡa tu maiḡesina: