Mareko 13:22 - Ginitago Variguna

²² Korana tu Keriso ḡofaḡofari e peroveta tarimari ḡofaḡofari beḡe foforini, vetoḡa boruri e nuḡa-farevaḡi veiḡari beḡe veirini, Barau na eḡabi-viriḡirito tarimari beḡene ḡofa-veḡonuri ḡana.

Mareko 13:22 ပူးပေါင်းရင်းမြစ်များ

Mataio 24:24

Korana tu Keriso ḡofaḡofari e peroveta tarimari ḡofaḡofari beḡe foforini, vetoḡa boruri e nuḡa-farevaḡi veiḡari baregori beḡe veirini, Barau na eḡabi-viriḡirito tarimari beḡene ḡofa-veḡonuri ḡana.

Mataio 7:15

“Rorimi boḡono vetore peroveta tarimari ḡofaḡofari ḡerina. Ḡia ḡomi ḡemi ai ḡeiaḡomani tu ma mamoe dabuḡari ḡesi, senaḡina nuḡari ai ḡeri tuḡamaḡi tu boḡa kwaivari rakavari kavari.

Mareko 13:21

Mo negai, bema tarima ta na bekiramini, ‘Ḡoḡitaia, Keriso tu maiḡa!’ o ‘Ḡoḡitaia, ḡia tu iomoḡa!’ betoni nai, asi boḡono vaḡa-moḡonia.

Mareko 13:23

Moḡesi nai tauḡemi boḡono venari; dagara mabarari tu akiravara-guinemini, aoa roḡosi bene raḡasi nai.”

Mareko 13:6

Tarima vovoka au aragu ai beḡe iaḡomani, beḡe kirani, ‘Tarimana tu au maiḡegu!’ Tarima ḡutuma beḡe ḡofarini.

Ioane 4:48

Iesu na ekiraiato, ekirato, “Ḡomi tu vetoḡa boruri e nuḡa-farevaḡi veiḡari asi boḡo ḡitarini tu, asi boḡo vaḡa-moḡoniguni.”

2 Timoteo 2:19

Senaḡi Barau ḡena guruḡa korana tu eruḡa-gwaḡiḡini fore baregona noḡa, asi beḡareva-ḡarevani. Iatanai tu mai guruḡa etoreato, “Vereḡauka ma ribana deikara tu ḡia ḡena.” Ma ekirani, “Deikara ekirani ḡia tu Vereḡauka ḡena etoni tarimana tu vei-rakava ḡenana bene raka-veḡita.”

1 Ioane 2:18

Natugu, ḡaro dokona tu maiḡa. Ḡoseḡaḡito ilailanai Keriso evetari-viniani tarimana tu beiaḡomani, maitoma maki Keriso ḡevetari-viniani tarimari vovoka beḡe iaḡoma. Moḡesi nai taribani, mai tu hora magona.

1 Ioane 2:19

Moḡeri tarimarima tu ḡita ḡesi tavegogoto-ḡoi, senaḡi ḡia tu dia ḡita ḡera doḡoro korikori. Moḡa lorinai ḡita ḡeraga-kwanerato. Bema ḡia moḡoni ḡita ḡera doḡoro korikori nai tu, ḡita ḡesi roḡo tara tanu. Senaḡi ḡita ḡerana ḡeveḡitato. Monana evaḡa-foforiani, ḡia mabarari tu dia ḡita ḡera doḡoro.

1 Ioane 2:26

Maiḡeri guruḡa ḡomi atore-vinimini tu, ḡomi ḡeḡofa-veḡitami ḡetoni tarimari akiraḡi-foforirini.

Apokalupo 13:8

Tanobarai ḡetanuni tarimari mabarari na ḡia beḡe toma-rakariḡo viniani. Maiḡeri tarima tu, Barau na tanobara roḡosi bere veia veḡata, arari mo Mamoe Natuna, ḡevaḡiato dagarana, ḡena maḡuri bukanai arari asi etorerito tarimari.

Apokalupo 17:8

Mo vevaḡa-rakava dagarana boḡitaia, moḡa tu guinenai etanuto-ḡoi, ma ḡia toma tu asi tauna. Ḡia tu tano gabigabina guri variḡo kwareḡana na bema raka-rosini, benamo beiaḡoni gabuna rakava kwaikwaina, midigumidigu baregona bea ḡabiani. Tanobarai ḡetanuni tarimari, Barau na tanobara eveiato monana veḡata arari maḡuri bukanai asi etorerito tarimari, na mo vevaḡa-rakava dagarana ḡeḡitaiato nai tu, nuḡari ḡefarevaḡi-rakavato. Korana ḡia tovotovonai tu etanuto-ḡoi, ma toma tu asi tauna, senaḡi ḡia tu ma beiaḡomani.