Mareko 12:9 - Ginitago Variguna

⁹ Iesu evedanaḡito, ekirato, “Tavoḡa biaguna na tu kara beveiani? Ḡia beiaḡomani, tavoḡa narinarina tarimari bevaḡi-ḡosirini, benamo vine tavoḡana tarima irauri tari ma bevinirini.

Mareko 12:9 ပူးပေါင်းရင်းမြစ်များ

Mataio 12:45

Benamo ḡia na iauka rakava kwaikwairi imaima ruarua (7) ma eḡori-iaḡorito, mabarari ḡeraka-toḡato, monai ḡetanuto. Moḡa lorinai mo tarima tu guinenai ḡena rakava tu kota misina, senaḡi dokonai ḡena rakava tu barego vedaurea. Maiḡesina toma ḡuru rakavana ḡenai beḡorani.”

Mataio 21:34

Vine ḡwari (o grapes) ḡemaḡeto, benamo ḡia na ḡena vetuḡunaḡi tauri etuḡurito tavoḡa narinarina tarimari ḡeri ai, ḡena vine ḡwaḡwari kota beḡenea ḡabi ḡana.

Mataio 21:43

Moḡesi naima akiramini, Barau ḡena Basileia tu ḡemina beḡabi-vaḡiani, ema ḡwaḡwa evaḡa-ḡorani besena beviniani. [

Mataio 22:7

Vere tu ebaru-rakavato, ḡena vetari doḡorori etuḡurito, mo vaḡivaḡi tarimari ḡevaḡi-maserito, ma ḡeri vanuḡa barana ḡegabu-kauato.

Mareko 12:10

Ḡomi na mai toretore Buka Veaḡai asi ḡoiaviani, iniḡesi ekirani, ‘Fore numari ḡeragarini tarimari na asi ḡeura-viniato ma ḡefitoḡaiato forena tu duḡu forenai eiaḡoto.

Mareko 12:8

Benamo ḡeḡabi-tariato, ḡevaḡiato, vine tavoḡana murikanai ḡefiu-rosiato.”

Luka 19:27

Senaḡi au ḡebaru-viniguni tarimari, asi ḡeurato au ḡia bana guine-iaḡiri ḡetato tarimari, ḡoḡori-iaḡomari, au ḡoiragu ai ḡoma vaḡi-maseri!’”

Roma 10:20

Ema Isaia maki asi eguruḡa-garito, ekirato, “Au tu asi ḡevetauguto tarimari na ḡeḡoitaḡoguto, ema asi ḡevedanaḡi-vetauguto tarimari ḡeri ai avevaḡa-foforito.”