Luka 18:37 - Ginitago Variguna

³⁷ Ḡekirato, “Iesu, Nasareta tauna, eraka-vanaḡini.”

Luka 18:37 ပူးပေါင်းရင်းမြစ်များ

Mataio 2:23

Galilea tanonai vanuḡa ta arana Nasaretai etanuto. Monana Barau na peroveta tarimari ḡerina Iesu ekiraḡiato guruḡana emoḡonito, ekirato, “Ḡia tu Nasareta tarimanai beḡe kiraḡiani.”

Luka 18:36

Tarimarima ḡutuma dabarai ḡeraka-vanaḡito eseḡaḡito, benamo evedanaḡito, “Mai guru anina tu kara?”

Luka 18:38

Benamo ekea-fouto, ekirato, “Iesu o, Davida natuna, au novetuḡagu!”

Luka 2:51

Moḡa murinai Iesu tamana ma sinana ḡesi ḡeḡenoḡoito Nasareta ḡana. Ḡeri guruḡa mabarari eiaḡo-vinirito-ḡoi. Maiḡeri dagara ḡeḡorato mabarari Maria na nuḡanai etorerito ema etuḡamaḡi taḡorito-ḡoi.

Ioane 1:45

Filipo na Natanaela edoḡariato, benamo ekiraiato, ekirato, “Mose ḡena taravatu ai ema peroveta tarimari ḡeri bukai varina ḡetoreato tarimana tu baḡa doḡaria; ḡia tu Iesu, Nasareta tarimana, Iosefa natuna.”

Ioane 19:19

Ma Pilato na guruḡa tari ḡau lefalefa tai etorerito, benamo satauro tuḡunai ḡeikoko-kafakauato. Etorerito guruḡari tu maiḡeri, “IESU, NASARETA TAUNA, IUDA TARIMARI ḠERI VERE.”

Apostolo 2:22

Isaraela tarimami, mai guruḡa boḡono seḡaḡiri: Iesu, Nasareta tarimana, Barau na eviniato ḡauveina tu ḡomi ḡemi ai evaḡa-fofori ginikauato. Ḡia ḡenana Barau ḡena seḡuka veiḡari e nuḡa-farevaḡi veiḡari ema vetoḡa tari eveirito ḡomi vefakami ai, be ḡomi tu ma ribami.

Apostolo 4:10

ḡomi mabarami e Isaraela nuḡanai tarimarima mabarami tu boḡono riba, Iesu Keriso, Nasareta tarimana, ḡomi na ḡovaḡa-satauroato, ma Barau na mase na evaḡa-variḡisi ḡenoḡoiato tarimana, aranai mai tarima benamo-ḡosiḡosi, ḡomi ḡoirami ai eruḡa-taḡoni.

2 Korinto 6:2

Korana Barau tu maiḡesi ekirani ḡena bukai, “Au na baiau-namomini ma baḡabi-raḡemini ḡarona beḡabiani nai tu, ḡemi noḡinoḡi baḡabi-raḡerini, ema vevaḡa-maḡuri ḡaronai tu, au na bavaḡa-kavamini.” Au na avaḡa-guruḡamini, maitoma ḡarona tu Barau na tarimarima beiau-namorini ema beḡabi-raḡerini. Ma maitoma ḡarona tu Barau na tarimarima bevaḡa-maḡuririni ḡarona!