Luka 13:25 - Ginitago Variguna

²⁵ Numa tarimana bevariḡisini, ḡatama-boka bekouani murinai, ḡomi tu murikai boḡo ruḡa-taḡoni, ḡatama-bokai boḡo fidifidini, boḡo kirani, ‘Vereḡauka, ḡai ḡema ḡatama-boka nokeoa!’ senaḡi ḡia bekirani, ‘Au asi ribagu ḡomi ainana boḡo iaḡoma!’

Luka 13:25 ပူးပေါင်းရင်းမြစ်များ

Mataio 25:41

Benamo kaurina rekena tarimari bevaḡa-guruḡarini, bekirani, ‘Au ḡegu na ḡoraka-veḡita, meto barego lele-vaḡina iatami ai etanuni tarimami, ḡoiaḡo, eḡara-vanaḡi vanaḡini karavana ḡana, Satani ma ḡena aneru ḡeri Barau na varau evei-toreato.

Luka 13:27

Senaḡina ḡia ma bekirani, ‘Au asi ribagu ḡomi ainana ḡoiaḡomani. Au ḡeguna ḡoraka-veḡita vei-rakava tarimami!’

Luka 3:8

Ḡemi rakava ḡerina boḡono vetuḡamaḡi-kure, ema boḡono raka-kure Barau ḡenai, benamo ḡemi maḡuri ai ḡwaḡwa namori boḡono buri. Asi boḡono kira, ‘Aberahamo tu ḡai tamama, (be Barau na beḡabi-raḡemani).’ Korana boḡono riba, Barau tu ma seḡukana Aberahamo natuna tu mai fore ḡerina bevaḡa-ḡorarini!

Luka 6:46

“Karase nai au ḡokiraḡiguni, ḡokirani, ‘Vereḡauka, Vereḡauka,’ nuḡanai au aguruḡani veiḡari tu asi ḡoveirini?

2 Korinto 6:2

Korana Barau tu maiḡesi ekirani ḡena bukai, “Au na baiau-namomini ma baḡabi-raḡemini ḡarona beḡabiani nai tu, ḡemi noḡinoḡi baḡabi-raḡerini, ema vevaḡa-maḡuri ḡaronai tu, au na bavaḡa-kavamini.” Au na avaḡa-guruḡamini, maitoma ḡarona tu Barau na tarimarima beiau-namorini ema beḡabi-raḡerini. Ma maitoma ḡarona tu Barau na tarimarima bevaḡa-maḡuririni ḡarona!

Heberu 12:17

Moḡa murinai ḡomi ma ribami, mo maḡuri guine vevaḡa-namona tamana ḡenana neḡabia etato tu tamana na asi eḡabi-raḡeato. Moḡoni, tamana ma taḡina ḡesi enoḡiato, senaḡi tamana asi ma etuḡamaḡi-ḡenoḡoito.