Luka 1:74 - Ginitago Variguna

⁷⁴ benamo ekirato, ḡevetari-vinirani tarimari ḡimari na beḡabi-maḡurirani. Benamo vetuḡunaḡina bisini iaḡo-vini asi garira ḡesi.

Luka 1:74 ပူးပေါင်းရင်းမြစ်များ

Luka 1:71

Ḡita tu ḡia na ekira-ḡaurato, ḡevetari-vinirani ema ḡebaru-vinirani tarimari ḡimari na ḡia na bevaḡa-maḡurirani etato.

Luka 1:73

Ḡia na ḡita senera Aberahamo ekiraḡitore-viniato,

Luka 1:75

Ḡoiranai bisini raka ma veaḡara e ma iobukaiobukara ḡesi ḡera maḡuri ḡarori mabarari ai.

Roma 6:22

Senaḡi ḡomi toma tu rakava nuḡana na eḡabi-vaḡimito, ma Barau ḡena tuḡu-rakaorakao tarimami ai ḡoiaḡoto. Barau ḡena tuḡu-rakaorakao tarimami ai boḡo iaḡoni, monana namo boḡo doḡariani dagarana na tu veaḡa-bara tarimami ai boḡo iaḡoni. Benamo monana ḡomi maḡuri vanaḡivanaḡi boḡo ḡabiani.

Roma 8:15

Korana ḡomi na Iauka Veaḡa ḡoḡabiato, maninana tu dia tuḡu-rakaorakao tarimami ai ma bevaḡa-iaḡomini, be ma boḡo garini maia. Asiḡina. Mani tu venatu-vanaḡi Iaukana ḡoḡabiato. Ḡita tu ḡia ḡenana tataḡi-ḡaba-raḡeni, takirani, “Tama, Tamagai o,” tatoni.

2 Timoteo 1:7

Korana Barau na ḡita evinirato Iaukana na tu nuḡara asi bevaḡa-garirini Iaukana, senaḡi kokore, veuravini, e nuḡa-gwaḡiḡi evinirani Iaukana.

Heberu 2:15

Ema tarimarima deikara ḡeri maḡuri nuḡanai mase garina na eḡuḡuvirito bene vaḡa-maḡuriri ḡana.

Heberu 9:14

Senaḡi Keriso rarana na moḡeri evanaḡirito. Korana ḡita nuḡara, mase ḡevaḡa-ḡoraiani ḡauveiri ḡerina, eiarevarato, maḡuri Barauna ḡena vetuḡunaḡi bitana iaḡo-vini ḡana. Keriso tu asi vetoukauna ta, tauḡena tanu-vanaḡivanaḡi Iaukana ḡenana evevinito Barau ḡenai.

Apokalupo 2:10

Ḡoirai midigumidigu tari dori oḡoitaḡorini, senaḡi mo midigumidigu gariri asi bono vei. Bono ḡitaia, ḡomi kotari tu Diabolo na betovo-naḡimini, be diburai betoremini, benamo monai ḡaro gabanana (10) boḡo midigu-midiguni. Monai maki enabe bomaseni, senaḡi ḡemu vetuḡa-maḡikau au ḡegu ai tu bene tanu. Moḡesina boveini nai tu, maḡuri koronana bavinimuni.