Luka 1:53 - Ginitago Variguna

⁵³ Vito tarimari maki dagara namori ai evaḡa-vonurito, a farefare vovoka tarimari ḡia na ḡimari kori evaḡa-ḡenoḡoirito.

Luka 1:53 ပူးပေါင်းရင်းမြစ်များ

Mataio 5:6

Veiḡa iobukaiobuka vitona ḡevito-iaḡiani e nanumasena ḡenanumase-iaḡiani tarimari tu beḡene iaku, korana vau beḡe ḡani-maseni.

Luka 1:54

Ḡena kiraḡitore ḡita tubura ḡatara Isaraela tarimari ḡesi asi etuḡa-rekwarito, ema ḡia eiaḡomato ḡena vetuḡunaḡi tarimari Isaraela bene vaḡa-kavari ḡana,

Luka 6:21

Ḡomi deidei toma ḡevitomini tu boḡono iaku, korana ḡomi roḡo boḡo ḡani-maseni bene. Ḡomi deidei toma ḡotaḡi-taḡini tu boḡono iaku, korana boḡo rikini bene.

Luka 6:24

Senaḡina ḡomi ma ḡemi farefare ḡutuma tarimami vetuḡami kika, korana vaḡa-iakumi farefareri tu varau ḡoḡabito bene.

Ioane 6:35

Iesu na ekirarito, ekirato, “Maḡuri beredina tu au maiḡegu. Au ḡegu ai beiaḡomani tarimana tu asi ma bevitoani, ema au bevaḡa-moḡoniguni tarimana tu, bokana asi ma bekokeni.

1 Korinto 1:26

Tarikakagu mabarami, ḡovetuḡamaḡi-ḡenoḡoi, ḡomi tu aiḡesi tarimami Barau na ekeamito. Ḡomi tanobara iaunegana ḡesi bita vaḡa-vetovomini nai, ḡomi viravira moḡo ma iaunegami, e ḡomi viravira moḡo ḡoseḡukato, ema ḡomi viravira moḡo ḡemi bese tu vere.

1 Korinto 4:8

Ḡomi tu ḡoura-vinirini dagarari na varau boḡo vonuvonu-raḡe. Ḡomi tu varau boḡo taḡa-ḡosi. Ḡai tu ḡomi na boḡo vanaḡima, korana ḡomi tu varau boḡo kini, be ḡoveḡitaḡauni. (Ḡomi tu noḡa moḡo Keriso varau bere iaḡoma-ḡenoḡoi kavana ḡoveini). Au ḡegu ura barana sebona, ḡomi tu moḡoni boḡoro kini, be ḡai maki ḡomi ḡesi bitara kini-sebona. (Korana boḡono riba, Keriso ma beḡenoḡoi-iaḡomani nai, ḡai maki ḡomi ḡesi bita kinini).