Luka 1:42 - Ginitago Variguna

⁴² Benamo eguruḡa-baregoto, ekirato, “Vavine vefakari ai Barau ḡena vevaḡa-namo ḡoi iatamu ai tu barego vedaurea, ema boḡabiani merona iatanai maki!

Luka 1:42 ပူးပေါင်းရင်းမြစ်များ

Luka 1:28

Aneru ḡia ḡenai eiaḡoto, ekirato, “Ḡaro namona, Vereḡauka tu ḡoi ḡesi ema ḡena vevaḡa-namo bara ḡoi ḡemu ai.”

Luka 1:41

Elisabeta na Maria ḡena vevaḡa-namo guruḡana eseḡaḡiato nai, natuna tu diana nuḡanai eḡarevato, benamo Elisabeta Iauka Veaḡa na evaḡa-vonuato, mamina eḡabiato.

Luka 1:43

Senaḡi au ḡegu namo tu kara Vereḡauka sinana ḡegu ai beiaḡoma?

Luka 1:48

korana tu au, ḡena vetuḡunaḡi vavinena, ḡegu tanu lealeai roḡo etuḡamaḡi-taḡoguni! Mainana, beiaḡoni mo, ḡuru mabarari beḡe kirani, Barau ḡena vevaḡa-namo tu au iatagu ai beḡe toni,

Luka 19:38

Ḡekirato, “Ḡera Vere baregona, Vereḡauka aranai eiaḡomani Kinina, sivaḡa-namoa! Maino gubai bene barego ema vevaḡa-raḡe tu guba tuḡunai!”

Roma 9:5

Aberahamo, Isako, Iakobo tu ḡia seseri doḡori, ema tauḡani rekenai bita ḡitaiani nai, Keriso tu ḡia ḡeri bese tauna. Keriso tu Barau, ma dagara mabarari debari tu ḡia. Ḡia tu vanaḡivanaḡi bitana vaḡa-raḡea. Amen.

Heberu 12:2

Matara Iesu ḡenai sitore-kauri. Korana Iesu na ḡita ḡera veḡabidadama esinaiato, ema bevaḡa-ḡuḡuruani. Ḡia na ḡoiranai mo iaku e verere etuḡamaḡiato nai, satauro maiakana asi etuḡamaḡiato. Benamo Barau ḡena terona aroribanai etanu-tarito.