Ioane 17:12 - Ginitago Variguna

¹² Au tanobarai roḡo ḡia ḡesi atanuto-ḡoi nuḡanai, ḡoi aramu seḡukana na ḡia anariḡaurito-ḡoi. Ḡoi na au oviniguto tarimari tu aḡitaḡau-ginikaurito, be ta asi erekwarekwato; bene rekwarekwa tauna moḡo, moḡoni erekwarekwato, Buka Veaḡai ḡetoreato guruḡana vaḡa-moḡonina ḡana.

Ioane 17:12 ပူးပေါင်းရင်းမြစ်များ

Ioane 13:18

Au na ḡomi mabarami asi akiraḡimini, au na aḡabi-viriḡirito tarimari tu au ribagu. Senaḡi mai tu Buka Veaḡa nuḡanai ḡetorerito guruḡari beḡene moḡoni ḡana: ‘Deikara au ḡesi beredi baḡa ḡani-vegogoani tarimana tu, kwakuna gwadirina beḡabi-vaisiani au ḡegu ai.’ (Moḡa anina tu, Iesu ma bekira-fitoḡaiani, benamo vaḡi-masena dabarana beveiani).

Ioane 17:6

“Tanobara maḡurina nuḡana na oḡabi-vaḡirito, benamo oviniguto tarimari ḡeri ai ḡoi tu avaḡa-foforimuto. Moḡeri tu ḡoi ḡemu tarimarima, ḡoi na au oviniguto. Ma ḡia na ḡoi ḡemu guruḡa ḡekorana-iaḡiato.

Ioane 18:9

Moḡesi ekirato, korana ḡia ḡena guruḡa tovotovonai ekiraḡiato guruḡana bene moḡoni ḡana, ekirato, “Au oviniguto tarimari tu sebona ta maki asi avei-rekwa-rekwaiato.”

Ioane 6:37

Tamagu na au eviniguto tarimari mabarari tu, au ḡegu ai beḡe iaḡomani, ema deikara au ḡegu ai beḡe iaḡomani tarimari, au na asi balai-ḡenoḡoirini.

Apostolo 1:25

apostolo ḡauveina bene veia Iudas gabunai; a Iudas tu eiaḡoto ḡena gabu korikorina ḡana.”

Filipi 2:9

Moḡa lorinai Barau na eḡabi-vaisiato guba tuḡunai, ma ara namo vedaureana eviniato. Mo ara tu ara ta ḡesi asi ilaila.

2 Tesalonika 2:3

Tarima ta na veiḡa irauri ai asi bene ḡofami. Korana Vereḡauka ḡena ḡaro tu asi roḡo beraḡasini, beiaḡoni mo, tarimarima ḡutuma ḡeri veḡabidadama beḡe raga-kwanerini, ema taravatu ekira-fitoḡaiani tarimana befoforini. Ḡia tu Barau na karava gabunai bea toreani.

Heberu 2:13

Ma ekirato, “Barau ḡenai baveḡabidadamani.” Ema ma ekirato maki, “Au tu maiḡegu Barau na eviniguto doḡorona natuna ḡesi.”

1 Ioane 2:19

Moḡeri tarimarima tu ḡita ḡesi tavegogoto-ḡoi, senaḡi ḡia tu dia ḡita ḡera doḡoro korikori. Moḡa lorinai ḡita ḡeraga-kwanerato. Bema ḡia moḡoni ḡita ḡera doḡoro korikori nai tu, ḡita ḡesi roḡo tara tanu. Senaḡi ḡita ḡerana ḡeveḡitato. Monana evaḡa-foforiani, ḡia mabarari tu dia ḡita ḡera doḡoro.

Apokalupo 19:12

Ḡia matana tu karava moreri kavana, ema debanai korona tu asisebo. Ḡia ḡenai ara ta evetoreto, mo ara tu ta asi ribana, ḡia ḡereḡana moḡo ribana.