2 Timoteo 1:4 - Ginitago Variguna

⁴ Otaḡito atuḡamaḡiani, ema ḡegu ura baregona ḡoi ma bana ḡitamu, ḡegu iaku bene barego ḡana.

2 Timoteo 1:4 ပူးပေါင်းရင်းမြစ်များ

Ioane 16:22

Ḡomi maki moḡesina: Toma tu ḡonuḡa-midigu midiguni, senaḡi au na ma baḡita-ḡenoḡoimini, be ma boḡo iakuni. Ma tarima ta na ḡomi ḡemi mo iaku tu asi ilaila ḡemina ma beḡabi-veḡitaiani.

Ioane 16:24

Beiaḡoma mo initoma, ḡomi na au aragu ai dagara ta roḡosi roḡo boḡoro noḡia. Au aragu ai boḡono noḡi-raḡe, be boḡono doḡari; benamo nuḡami iaku na beḡene vonuvonu-raḡe.”

Apostolo 20:19

Ḡaro vovoka Iuda tarimari ḡeurato-ḡoi au beḡene kougu, veiḡa rakavari ḡutuma au ḡegu ai ḡeveirito-ḡoi. Senaḡi nuḡagu ma maranana ḡesi moḡo e ma taḡigu ḡesi Vereḡauka vetuḡunaḡina aiaḡo-vinito-ḡoi.

Apostolo 20:31

Moḡa lorinai lorimi boḡono vetore! Boḡono vetuḡamaḡi-taḡo, au na tu laḡani toitoi veḡata matagu ma taḡina ḡesi, ḡomi asisiba-vini boḡimito-ḡoi e asisiba-vini laḡanimito-ḡoi.

Roma 1:11

Korana au ḡegu ura baregona tu bara ḡitami, be Iauka Veaḡa varevareri kotari ma bara vinimi, boḡono kokore ḡana.

Filipi 1:8

Barau ma ribana vedaurea, au ḡomi akiramini, au ḡegu veuravini ḡomi mabarami ḡemi ai tu barego vedaurea, Keriso Iesu na euravini-baregomini kavana.

Filipi 2:26

Ḡia maki eura-baregoni ḡomi bene ḡitami. Ema enuḡa-vekwaraḡini ḡemi ai, korana ḡena keve varina ḡoseḡaḡiato nai.

1 Tesalonika 2:17

Tarikakama mabarami, nega kotari roḡo ḡai ḡomi sevimi na ḡeinu-veḡitamato, dia tuḡamaḡi ai, senaḡi tauḡani ai, asi ma ḡaḡitamini. Ḡema ura baregona ḡoirami baḡana ḡitari.

2 Timoteo 4:21

Bono kokore, be bono iaḡoma-ḡarimoḡi, faraka e iavara ḡueri roḡosi bene ḡabia nuḡanai. Eubulo, Pude, Lino, e Klaudia ḡeri vevaḡa-namo ḡetuḡuani, ema ekalesia tarikaka mabarari na maki.

2 Timoteo 4:9

Bono kokore, be au ḡegu ai bono iaḡoma-ḡarimoḡi.

1 Ioane 1:4

Mai guruḡa ḡatore-vinimini, korana ḡita nuḡara iaku na beḡene vonuvonu-raḡe ḡana.

Apokalupo 21:4

Ḡia na matari gorari mabarari bedaurini. Mase e taḡi-vanorovanoro e taḡitaḡi guruna ta ema midigumidigu tu beḡe kori-ketovaḡini, korana tu dagara guineri mabarari ḡekorito.”

Apokalupo 7:17

Korana terona nuḡanai etanuni Mamoe Natuna na beḡita-ḡaurini. Ḡia na beḡori-iaḡorini maḡuri nanuna eḡaruani gabuna ḡana. Ema Barau na matari gorari mabarari bedau-vaḡirini.”