1 Tesalonika 5:3 - Ginitago Variguna

³ Tarimarima beḡe kirani, “Maino ema dagara mabarari namo moḡo.” Nuḡanai tu asikauna kerere baregona na beḡabirini, noḡa vavine ma banina diana eguruni kavana. Tarima ta asi beraga-maḡurini.

1 Tesalonika 5:3 ပူးပေါင်းရင်းမြစ်များ

Mataio 23:33

Ḡomi mota! Mota naturi! Barau ḡena Kota baregona ḡarona beraḡasini nai, karava eḡara-vanaḡi vanaḡini gabuna na kamasi boḡo raga-maḡurini?

Ioane 16:21

Vavine ta mero nevaḡa-maḡuria ḡana tu, emidigumidiguni, korana ḡena ḡabi aoana eraḡasini. Senaḡi mero emaḡurini nai, ḡenai mo midigumidigu tu etuḡa-rekwaiani, korana mero ta tanobarai varau bevaḡa-maḡuria iakunai.

Apostolo 13:41

‘Ḡomi veḡabi-varaḡevaraḡe tarimami ḡoboḡeboḡe! Nuḡami ḡefarevaḡi, benamo ḡomase! Korana ḡemi maḡuri ḡarori ai au na veiḡa ta baveiani, enabe ta na ḡemi bekiraḡi-ginikauani, senaḡi asi boḡo vaḡa-moḡoniani!’”

2 Tesalonika 1:9

Ḡeri rakava voiri tu maiḡa: Ḡia tu Vereḡauka ḡenana e ḡena mama seḡukana ḡenana ma fakari beḡe tanuni, midigu vanaḡivanaḡi beḡe ḡabini.

Heberu 12:23

Ḡomi tu vegogo baregona ḡena e Barau natuna ḡemaḡuri-guineto ekalesiari ḡeri ai boḡo iaḡoma. Ḡia arari tu Barau na gubai etorerito. Ema ḡomi tu tarimarima mabarari Kotai beḡita-viriḡirini Barauna ḡenai e vei-iobukaiobuka tarimari iaukari, Barau na evaḡa-namo vedaurearito iaukari, ḡeri ai boḡo iaḡoma.

Heberu 2:3

a ḡita tu kamasi bita raga-maḡurini, bema mai vevaḡa-maḡuri baregona bita ḡita-ḡuiraḡiani nai tu? Mai vevaḡa-maḡuri tu tovotovonai Vereḡauka tauḡena na evari-fiuato. Moḡa murinai tu ḡeseḡaḡiato tarimari na ḡai ḡema-kiravaramato mo tu moḡoni.

2 Petero 2:4

Barau na ḡevei-rakavato aneruri maki asi evaḡa-maḡuririto, senaḡi rakava gabunai efiu-riḡorito. Monai seini na ebarubarurito mukuna furufuru nuḡanai, vevaḡa-maoro ḡarona ḡevaḡa-nogaiani.