1 Tesalonika 4:10 - Ginitago Variguna

¹⁰ Moḡoni, ḡomi na tu tarikaka mabarari Makedonia nuḡanai ḡoura-vinirini. Senaḡi tarikakama, ḡai na ma ḡavaḡa-naḡimini, mani veiḡa boḡono vaḡa-baregoa.

1 Tesalonika 4:10 ပူးပေါင်းရင်းမြစ်များ

Roma 15:26

Korana Makedonia ema Akaia tanori ai tu nuḡari ma verereri ḡesi Ierusalemai asi ḡeri-ḡari tarimari Barau ḡena tarimarima veaḡari vekaravari ai ḡetanuni moḡeri ḡeri moni ḡevaḡa-vegogoto.

Efeso 1:15

Moḡesina naima, au tu Iesu Vereḡauka ḡoḡabidadama-viniani e Barau ḡena tarimarima veaḡari ḡoura-vinirini varina ama seḡaḡiato ḡarona na veḡata,

Filipi 1:9

Barau anoḡiani, ḡemi ai veuravini bene tubu-barego vedaurea, ma riba ema iaunega bene vinimi, be Barau ḡena ura boḡono riba-ginikauri.

Kolose 1:4

Korana tu, ḡai tauma ruarua na ḡomi varimi tu maiḡesi ḡaseḡaḡiato: Ḡomi na tovotovonai Vari Namona ḡenana eiaḡomato guruḡana, guruḡa moḡonina, ḡoseḡaḡiato nai tu, dagara namona Barau na gubai etore-taḡoani ḡemi, moḡa varina tu ḡovaḡa-moḡoni korikoriato. Ma ḡomi na tu moḡesina naima Keriso Iesu ḡoḡabidadama-vini korikoriani, ema Barau ḡena veaḡa o ekalesia tarimari mabarari maki ḡoura-vinirini. Mani Vari Namona ḡomi ḡemi ai eraḡasito, maniḡa tu tanobara mabaranai ḡevarifiu-rakao rakaoani, ma ḡwana namori maki ḡeḡorani, e tarimarima maki ḡutuma lelevaḡi na maki ḡeḡabi-raḡeani. Mai Vari Namona ḡwaḡwana namona evetoreni tanobara mabaranai, ilailana ḡomi na mani Vari Namona ḡoseḡaḡiato e Barau ḡena namo e varevare-bara korikorina ḡoribaiato ḡarona na veḡata ḡomi fakami ai evesinato, ma eiaḡomani, maniḡa kavana evetoreni.

1 Tesalonika 1:7

Tauna moḡa ḡomi tu vevaḡa-ḡita namonai ḡoiaḡoto veḡabidadama tarimari mabarari Makedonia ema Akaia ḡeri.

1 Tesalonika 3:12

Ḡera Vereḡauka na maki ḡomi veuravini na bene vaḡa-vonuvonu-raḡemi, karomi tata ema tarimarima mabarari boḡono ura-viniri uranai, ḡai na ḡomi ḡaura-vinimini kavana.

1 Tesalonika 4:1

Tarikakama mabarami, ḡegu guruḡa vaḡa-magona tu maiḡa. Barau vaḡa-iakuna ḡana aiḡesi boḡono tanu tu ḡavaḡa-ribamito. Moḡoni, ḡomi tu moḡesi ḡomaḡurini. Iesu Vereḡauka aranai ḡanoḡimini e ḡalaunaḡimini, ma boḡono kokore-iaḡiri ḡana.

2 Tesalonika 1:3

Tarikakama mabarami, ḡai na tu Barau baḡana tanikiu-vinia ḡaro mabarari ai ḡomi daimi ai. Moḡesi baḡa veini tu maoro, korana ḡemi veḡabidadama ebarego-rakavani, ema ḡemi veuravini karomi mabarari ḡeri ai maki ebaregoni.

2 Tesalonika 3:4

Ḡai ḡema veḡabidadama ḡomi ḡemi ai tu Barau na evinimato, e ḡaribani, ḡakiramito veiḡari ḡoveirini ema roḡo boḡo vei-vesiriḡurini.

2 Petero 3:18

A ḡita ḡera Vereḡauka e Vevaḡa-maḡuri Tarimana Iesu Keriso ḡena namo e veuravini ḡerai etoreani moḡa boḡono vaḡa-tubua-ḡoi, ema ḡia boḡono riba-ginikaua. Ḡia marevana bisini vaḡa-raḡea toma bene iaḡo vanaḡivanaḡi! Amen.