1 Ioane 4:7 - Ginitago Variguna

⁷ Ḡatagu mabarami, ḡita tata bitana veura-vevini, korana veuravini tu Barau ḡenana eiaḡomani. Eveura-vinini tarimana tu Barau ḡenana emaḡurito, ema ḡia ma ribana Barau.

1 Ioane 4:7 ပူးပေါင်းရင်းမြစ်များ

Ioane 13:34

Taravatu guruḡana variḡuna avinimini. Tarikakami ḡesi boḡono veuravini. Au na ḡomi aura-vinimini ilailanai, ḡomi maki tarikakami ḡesi boḡono veuravini.

Ioane 17:3

Maḡuri vanaḡivanaḡi tu maiḡa: Maḡuri vanaḡivanaḡi beḡe ḡabiani tarimari mabarari beḡene riba, Barau moḡonimu tu ḡoi sebomu kwariḡutu moḡo, ema Iesu Keriso beḡene ribaia. Iesu Keriso tu ḡoi na otuḡuato tanobara ḡana.

1 Korinto 8:3

Senaḡi Barau eura-viniani tarimana tu, Barau ma ribana ḡia.

2 Korinto 4:6

Korana Barau tovotovonai ekirato, “Mukuna furufuru nuḡana na nemama-rovorovo,” etato. Ma mo Barau sebona na ḡai nuḡamai ema vaḡa-mama rovorovoato korana tu, Barau mamana baregona Iesu Keriso ḡoiranai emamato moḡa bene vaḡa-foforia, benamo baḡana ribaia e baḡana tuḡamaḡi-fakaia ḡana.

Galatia 4:9

Senaḡi toma tu, Barau boḡoma ribaia, ba nakira, Barau na ḡomi bema ribami. Ma kamasi nai tu taravatu moiramoirari, asi tauri dagarari ma ḡokorana-iaḡi ḡenoḡoiri ḡotoni? Ḡomi ḡourani tu, maniḡeri taravatu na ma beḡene barubaru-tarimi ḡotoni, ei?

Galatia 5:22

Senaḡi Iauka ḡwaḡwana tu maiḡeri: Veuravini, iaku, maino, vevaḡa-gwaḡiḡi, veiau-namo, nuḡa-namo, vetuḡamaḡikau,

2 Timoteo 1:7

Korana Barau na ḡita evinirato Iaukana na tu nuḡara asi bevaḡa-garirini Iaukana, senaḡi kokore, veuravini, e nuḡa-gwaḡiḡi evinirani Iaukana.

1 Petero 1:22

Toma, ḡomi na guruḡa moḡonina ḡoseḡaḡi-viniato lorinai, tauḡemi ḡoveiarevato, ema karomi veḡabidadama tauri ḡesi moḡoni ai ḡoveura-vevinini. Moḡa lorinai boḡono veura-vevini ma nuḡami mabarari ḡesi.

1 Ioane 2:10

Tarikakana eura-viniani tarimana tu mama nuḡanai etanuni. Ḡia bevaḡa-vedaḡa-raḡeani dagarana ta ḡenai asi etanuni.

1 Ioane 2:29

Bema ḡomi ma ribami Keriso ḡena veiḡa tu iobukaiobuka nai, boḡo ribani, ḡevei-iobuka iobukani tarimari mabarari tu Barau ḡenana ḡemaḡurito.

1 Ioane 2:3

Bema ḡita Barau ḡena taravatu guruḡari bita korana-iaḡirini nai, monana bita ribani, ḡita tu moḡoni Barau taribaiato.

1 Ioane 2:4

Bema ta bekirani, “Au tu Barau ribagu,” senaḡi ḡena taravatu guruḡari asi bekorana-iaḡirini, mo tarima tu ḡofaḡofa tarimana, guruḡa moḡonina ḡia nuḡanai asi etanuni.

1 Ioane 2:7

Ḡatagu mabarami, mai taravatu atore-vinimini tu dia variḡu, senaḡi taravatu guinena, tovotovona na veḡata ḡoḡabiato dagarana. Mai taravatu guinena tu ḡoseḡaḡi-guineato taravatuna.

1 Ioane 3:9

Barau ḡenana emaḡurito tarimana tu asi bevei-rakava rovaḡi-rovaḡini, korana Barau ḡena maḡuri tu ḡia ḡenai etanuni. Ḡia tu vei-rakava asi ma bevei-ḡenoḡoini, korana Barau tu ḡia Tamana.

1 Ioane 4:11

Ḡatagu mabarami, Barau na ḡita tu moḡesina eura-vinirato nai, ḡita maki tata bitana veura-vevini.

1 Ioane 4:12

Tarima ta na Barau asi eḡitaiato. Senaḡi bema ḡita tata taveura-vevinini nai tu, Barau tu ḡita nuḡarai etanuni ema ḡena veuravini tu ebaregoni ḡita nuḡarai.

1 Ioane 4:16

Ema ḡita maki ribara e tavaḡa-moḡoniani, Barau na ḡita eura-vinirani. Barau tu veuravini, ema veuravini ai etanuni tarimana tu Barau nuḡanai etanuni, ema Barau maki ḡia nuḡanai etanuni.

1 Ioane 4:20

Bema tarima ta ekirani, “Au na Barau aura-viniani,” senaḡi tarikakana tu ebaru-viniani, ḡia tu ḡofaḡofa tarimana. Korana bema ḡia tarikakana eḡitaiani, senaḡi asi eura-viniani, kamara dabarai asi eḡitaiani Barauna beura-viniani.

1 Ioane 4:8

Asi ḡena veuravini tarimana tu Barau asi ribana, korana Barau tu veuravini.

1 Ioane 5:1

Deikara na evaḡa-moḡoniani Iesu tu moḡoni Keriso, (Barau na ekiraḡi-toreato vevaḡa-maḡuri tauna), ḡia tu Barau ḡenana emaḡurito. Ema Tamana eura-viniani tarimana na tu natuna maki eura-viniani.

2 Ioane 1:5

Vavine, maitoma ḡoi anoḡimuni tu, ḡita tata bisini veura-vevini. Dia taravatu variḡuna atore-vinimuni, senaḡi mo tu tovotovona na veḡata taḡabiato dagarana.