1 Ioane 2:20 - Ginitago Variguna

²⁰ A ḡomi na tu Iauka Veaḡa ḡoḡabiato, Keriso na eboroḡimito, moḡa lorinai ḡomi mabarami guruḡa moḡonina tu ma ribami.

1 Ioane 2:20 ပူးပေါင်းရင်းမြစ်များ

Mataio 13:11

Iesu na evaḡa-veserito, ekirato, “Guba Basileia ḡena riba vekuretoḡari ḡomi ḡemi ai tu fofori, senaḡi ḡia ḡeri ai tu asiḡina.

Mareko 1:24

“Iesu, Nasareta tarimamu o, kara ḡemai noveia otoni? Ḡoi tu ḡai vaḡa-rakavama uranai boiaḡoma? Au ribagu ḡoi tu deikara, ḡoi tu Barau ḡena Veaḡa Tarimamu!”

Luka 4:18

“Vereḡauka Iaukana tu au ḡegu ai maiḡa, korana ḡia na tu au eboroḡiguto, ema eviriḡiguto, Vari Namona gara veḡubu tarimari bana ḡobata-viniri ḡana. Etuḡuguto, dibura tarimari ḡeri ai Barau na dibura na varau eḡabi-vaḡirato varina bana varifiua ḡana, ema mata-bubu tarimari matari maki beḡene fafa. Ḡevaḡa-rakavarini tarimari bana vaḡa-maḡuriri,

Luka 4:34

“Iesu, Nasareta taumu o, kara ḡemai noveia otoni? Ḡoi ḡai vaḡa-rakavama uranai boiaḡoma, ene? Au ribagu, ḡoi tu Barau ḡena Veaḡa Tarimamu.”

Ioane 14:26

A ḡomi vaḡa-kavami tarimana tu Iauka Veaḡa. Ḡia tu au aragu ai Tamagu na betuḡu-iaḡomaiani. Ḡia na dagara mabarari bevaḡa-ribamini, ema au na kara akiraḡirito dagarari, ḡemi tuḡamaḡi ai ma bevaḡa-fofori ḡenoḡoirini.

Ioane 16:13

Senaḡi guruḡa moḡoni Iaukana beiaḡomani, ḡia na vau ḡomi beḡori-kaumini, benamo guruḡa moḡoniri boḡo ribarini. Korana ḡia tu dia tauḡena ḡena tuḡamaḡi guruḡari bekiraḡirini. Asiḡina. Ḡia tu au ḡeguna beseḡaḡini guruḡari moḡo bekiraḡirini. Ema gabivau beḡe ḡorani dagarari bekiravara-guinemini.

Apostolo 10:38

Iesu, Nasareta tarimana varina, ḡomi ma ribami, kamasi Barau na Iauka Veaḡa e seḡuka ḡia iatanai ebubu-riḡoato. Ḡia tu gabu mabarari ḡari eiaḡoto, veiḡa namori eveirito-ḡoi, ema Diabolo ḡena seḡuka na eḡabirito tarimari mabarari evaḡa-maḡuririto-ḡoi, korana Barau tu ḡia ḡesi.

Apostolo 3:14

Ḡia tu Veaḡa e Vei-Iobukaiobuka tarimana, senaḡi ḡomi na tu asi ḡoura-viniato, ema Pilato ḡonoḡiato, vaḡivaḡi tarimana tu bene tuḡu-rosia ḡotato.

1 Korinto 2:15

Iauka Veaḡa ḡia nuḡanai etanuni tarimana na, dagara mabarari beḡita-ginikaurini e betuḡamaḡi-fakarini, senaḡi ḡia tauḡena tu ta na asi beḡita-ginikauani e asi beriba-maoroani.

Heberu 1:9

Vei-iobukaiobuka tu oura-vinirini, ma veiḡa rakavari tu asi oura-vinirini. Moḡa lorinai, Barau o, ḡemu Barau na maki karomu fakari ai ḡoi eḡabi-viriḡimuto, debamu ai diḡa esisiato, iaku na evaḡa-vonumuto.”

Heberu 8:11

Tarima ta na sevinai etanuni tarimana asi ma bevaḡa-ribaiani, ema tarima ta tarikakana asi bekiraiani, ‘Vereḡauka noribaia!’ Korana mabarari na beḡe ribaguni, misina na beiaḡoni mo baregona.

1 Ioane 2:27

Senaḡi ḡomi na Iauka Veaḡa ḡoḡabiato Keriso ḡenana tu nuḡami ai etanuni. Moḡa lorinai initoma vevaḡa-riba tarimana ta ḡomi bene vaḡa-ribami ḡana tu asi boḡo ura-viniani. Korana mo Iauka Veaḡa na dagara mabarari evaḡa-ribamini, ema ḡena guruḡa tu moḡoni, dia ḡofaḡofa. Moḡa lorinai evaḡa-ribamito ilailanai, Keriso nuḡanai boḡono tanu.

1 Ioane 4:13

Ḡita ma ribara ḡita tu Barau nuḡanai tatanuni, ema Barau maki ḡita nuḡarai etanuni, korana ḡia Iaukana ḡita evinirato.

Iudas 1:5

Ḡomi Buka Veaḡa variri mabarari ḡoriba-guinerito, senaḡi aurani ma navaḡa-riba ḡenoḡoimi, Vereḡauka na Isaraela tarimari tu aiḡesina evaḡa-maḡuririto Aigupito tanona na, senaḡi murinai asi ḡevaḡa-moḡoniato tarimari tu ma evaḡi-maserito.

Apokalupo 3:7

“Filadelfia ai ekalesia doḡorona ḡeri aneru tu maiḡesina bono tore-vinia: Davida ḡena ki, (vevaḡa-maḡuri kina), eḡabi-taḡoani tarimana, tarima veaḡana ema moḡoni korikorina. Ḡia na kara bekeo-fakaiani, tarima ta na asi ma bekou-ḡauani riba, ema bekouani dagarana ta na asi ilaila ma bekeoani riba. Mai tarima ḡena guruḡa tu maiḡesina:

Apokalupo 4:8

Mai maḡuri dagarari maiḡeri tata faneri tu imaima sebona (6), ma mai faneri maiḡeri mabarari tu mata na moḡo ḡevonuto, faneri nuḡana rekeri dagarari maki mata moḡo. Ḡia tu vanaḡivanaḡi boḡi-laḡani asi ḡeiaḡaraḡini, mai guruḡa maiḡa asi ḡevaḡa-ketoani, ḡekirani: “Veaḡa, veaḡa, veaḡa, Vereḡauka, Barau tuḡutuḡu, tu veaḡa, guinenai etanuto-ḡoi, maitoma maki etanuni, ema ma beiaḡomani!”