1 Ioane 2:14 - Ginitago Variguna

¹⁴ Natugu, atore-vinimini korana tu, Tamara ḡoribaiato. Tamagu, atore-vinimini korana tu, tovotovona na veḡata etanuto tarimana tu ḡoribaiato. Maraḡa variḡu, atore-vinimini, korana ḡomi tu ma gwadami; Barau ḡena guruḡa ḡomi nuḡami ai etanuni, ema ḡomi na Satani ḡovaḡa-darereato.

1 Ioane 2:14 ပူးပေါင်းရင်းမြစ်များ

Ioane 15:7

Bema ḡomi au ḡegu ai boḡo kafakauni o au ḡesi boḡo sebonani, ma au ḡegu guruḡa ḡomi ḡemi ai betanuni nai tu, kara ḡoura-vinirini dagarari boḡo noḡini tu, ḡemi noḡinoḡi dagarari boḡo ḡoitaḡorini.

Ioane 5:38

Ema ḡena guruḡa ḡomi nuḡami ai tu asi etanuni, korana ḡia na etuḡuato tarimana tu asi ḡovaḡa-moḡoniani.

Ioane 8:31

Benamo Iesu na mo Iuda tarimari, ḡia ḡevaḡa-moḡoniato tarimari, ekirarito, ekirato, “Bema ḡomi na au ḡegu vevaḡa-riba guruḡari boḡo korana-iaḡirini nai, ḡomi tu moḡoni au ḡegu mero korikori.

Ioane 8:37

Au ribagu ḡomi tu Aberahamo garakana, senaḡi ḡomi ḡourani, au tu boḡono vaḡigu, korana ḡomi na ḡegu vevaḡa-riba guruḡari tu, asiḡina ḡinavaḡi moḡo ḡoḡabi-raḡerini.

Efeso 6:10

Ḡegu guruḡa magona tu maiḡa: Boḡono kokore Vereḡauka ḡena maḡuri nuḡanai, ema Vereḡauka ḡena seḡuka na bene vaḡa-kokoremi.

Filipi 4:13

Maḡuri aiḡesina ḡegu ai evetoreni, senaḡina asi ḡegu daradara, korana Keriso na ḡena seḡuka eviniguni nai.

Kolose 1:11

E ḡema ḡuriḡuri tu, Barau ḡena seḡuka iaru-korokorona na seḡuka bene vinimi, be boḡono kokore-koru. Korana mo kokore na tu meto ḡoḡoitaḡorini maiḡeri nuḡari ai boḡo ruḡa-gwaḡiḡini e boḡo vevaḡa-gwaḡiḡini. E ma iakumi ḡesi

Kolose 3:16

Keriso ḡena guruḡa tauri korikori e ḡeri seḡuka ḡomi nuḡami ai tu beḡene vonuvonu-raḡe. Monana karomi tata ḡesi Keriso ḡena guruḡa iaunega korikorina na boḡono vevaḡa-riba e boḡono vekira-toreḡau. Ma nuḡami ai Barau ḡotanikiu-viniani nai tu, Salamo boḡono mari, e Barau vaḡa-raḡena mariri boḡono mariri, ema Iauka Veaḡa na evinimini mariri boḡono mariri.

2 Timoteo 2:1

Moḡa lorinai, natugu, ḡoi tu Keriso Iesu ḡena varevare-bara nuḡanai bono kokore.

Heberu 8:10

Vereḡauka ma ekirani, ‘Ḡoira ḡarori ai au na mai ginitaḡo Isaraela besena ḡeri ma baveiani: Au ḡegu taravatu ḡia debari ai batore-toḡarini ema ḡia nuḡari ai batorerini. Au tu ḡia ḡeri Barau ai baiaḡoni ema ḡia maki au ḡegu tarimarimai beḡe iaḡoni.

1 Ioane 1:1

Tovotovona na veḡata etanuto dagarana, ḡaseḡaḡiato, matama na ḡaḡitaiato, ḡenai ḡaboḡekauto, ema ḡiamama na ḡaḡabi-karaiato: Mai tu Maḡuri Guruḡana ḡavari-fiuani.

1 Ioane 1:10

Bema ḡita bita kirani, nega sebona maki asi tavei-rakavato, Barau tu ḡofaḡofa baraunai bita vaḡa-iaḡoani, ema ḡia ḡena guruḡa tu ḡita nuḡarai asi etanuni.

1 Ioane 2:13

Tamagu, atore-vinimini korana tu, tovotovona na veḡata etanuto tarimana tu ḡoribaiato. Maraḡa variḡu, atore-vinimini korana tu, Satani ḡovaḡa-darereato.

2 Ioane 1:2

Korana guruḡa moḡonina ḡita nuḡarai etanuni ema ḡita ḡesi betanu-vanaḡi vanaḡini.

3 Ioane 1:3

Tarikakara tari ḡeiaḡomato, benamo kamasi ḡoi guruḡa moḡonina okorana-iaḡiani e ḡemu vetuḡamaḡikau ḡema-varifiuato. Moḡeri aseḡaḡirito nai, au tu aiaku-rakavato.

Apokalupo 2:3

Au aragu ḡaramanai meto oḡoitaḡoto, senaḡi ovevaḡa-gwaḡiḡito ema okokoreto, asi kota maki oruḡa-moirato.

Apokalupo 2:7

Ma seḡana tarimana na Iauka Veaḡa na ekalesia doḡorori kara ekiravara-vinirini guruḡari tu bene seḡaḡiri. Bekokoreni tarimana tu au na maoro baviniani, ḡia maḡuri ḡauna, Barau ḡena paradaiso ai etubuni dagarana, ḡwaḡwana beḡaniani.”