Panagna'an 49:8 - Kitab Injil and Kitab Awal-Jaman

⁸ Na, ka'a Yahud, pinudji du ka e' saga dauranakannu. Pasujud sigām pagmahaltabat ma ka'a. Tara'ugnu du palbantahannu.

Panagna'an 49:8 ပူးပေါင်းရင်းမြစ်များ

Panagna'an 27:29

Bang pa'in kapagbaya'annu saga kabangsa-bangsahan, bang pa'in sigām pasujud ma ka'a. Bang pa'in ka magnakura' ma kakampungannu kamemon, bang pa'in isab pasujud ma ka'a kapanubu'an ina'nu. Bang pa'in kataluwa'an mulka' sasuku anabbut ōnnu ni kala'atan. Bang pa'in binuwanan kahāpan sasuku anabbut ōnnu ni kahāpan.”

Panagna'an 29:35

Anā, ab'ttong si Leya pabīng, ka'mpatna na, l'lla du isab. Yukna, “Pudjiku na PANGHŪꞋ buwattina'an.” Angkan ōnanna anakna si Yahud. Na minnē' pahondong si Leya maganak.

Panagna'an 42:6

Na, pagka si Yusup ya gubnul ma lahat Misil, taga-kapatut iya magpab'lli balanja' ma sai na. Sakali itu, at'kka pa'in saga danakan si Yusup pina'an, magtūy sigām pasujud ma dahuanna.

Panagna'an 46:12

Pasunu' si Yahud maka saga anakna l'lla, ya disi Sela, si Peres maka si Sera. Aniya' isab duwa anak si Yahud l'lla bay amatay ma lahat Kana'an lagi', ya na si Ēr maka si Onan. Aniya' isab saga anak si Peres l'lla, ya na si Hesdon maka si Hamul.

Hibrani 10:13

ati ina'an na iya angagad buwattina'an sampay ta'abut waktu kapanganda'ug Tuhan min palbantahanna kamemon, bo' yampa pinat'nna' saga palbantahan e' ma deyo' pād-tape' Al-Masi.

Pamabukisan 11:15

Na, ya mala'ikat katapusan amah'lling na tiyup-tiyupna. Magtūy aniya' saga suwala atanog takale min deyom sulga', yuk-i, “In dunya itu kapagparintahan na e' Panghū'tam Tuhan maka Al-Masi ya tapene'na. Taptap kapagparintana sampay ni kasaumulan!”

Pamabukisan 5:5

Manjari binissalahan aku e' dakayu' matto'a min duwampū' maka mpat inān, yuk-i, “Da'a ka anangis. Nda'un ba. Tara'ug na nakura' saitan e' dangan a'a ya pinagsambat Halimaw min panubu' si Yuda. Babantugun iya, maka tubu' sultan Da'ud. Angkanna iya makarapat amitas pitu' gindan ma gulungan katas inān, sampay am'llat iya.”

Maghuhukum 20:18

In saga bangsa Isra'il wa'i patukad ni Betel bo' supaya angaru ni Tuhan. Yuk sigām, “Sai sa ma kami ya parahū anakay ni panubu' Benjamin?” Ya sambung Tuhan, “Panubu' Juda ya parahū.”