Panagna'an 37:13 - Kitab Injil and Kitab Awal-Jaman

¹³ aniya' panoho'an si Isra'il (hatina si Yakub) ma si Yusup. Yukna, “Otō', kata'uwannu asal, ina'an saga danakannu ma Sekem angipat hayop. Bilahi aku anoho' ka'a pehē'.” Ya sambung si Yusup, “Aho', Mma', pehē' aku.”

Panagna'an 37:13 ပူးပေါင်းရင်းမြစ်များ

Panagna'an 22:1

Na, at'ggol-t'ggol pa'in, sinulayan si Ibrahim e' Tuhan. Nilinganan iya, “O Ibrahim!” Magtūy anaul si Ibrahim, yukna, “Itiya' aku.”

Panagna'an 22:11

Malaingkan aniya' mala'ikat PANGHŪꞋ angalingan min deyom sulga', yukna “Ibrahim! O Ibrahim!” Anaul magtūy si Ibrahim, “Itiya' aku.”

Panagna'an 27:1

Na palabay pa'in daka pilantahun, ato'a na si Isa'ak, mbal na maka'nda'. Jari aniya' llaw pangalinganna ma si Esaw, ya anakna siyaka. Yukna ma iya, “Otō'.” Ya sambung si Esaw, “Oy, Mma'.”

Panagna'an 27:18

Sakali pehē' na si Yakub ni mma'na, yukna, “O Mma'!” Yuk si Isa'ak, “Aho', Otō'. Sai sa ka'a ilu?”

Panagna'an 33:18

Ya hatulanna, makapole' pa'in si Yakub min lahat Mesopotami, at'kka na ni lahat Kana'an ma halam aniya' baya-baya. Tat'kkana da'ira Sekem ati maina'an iya magpat'ngge tolda pagluma'an sigām, ina'an ma anggopan da'ira.

Panagna'an 37:12

Manjari dakayu' llaw, pagka maina'an saga danakan si Yusup ma lahat Sekem angipat ba'anan kahayopan ya suku' mma' sigām,

Matiyu 10:16

“Pakale kam,” yuk si Isa. “Ilu kam song papehē'ku ni deyoman saga a'a ala'at. Sali' kam sapantun bili-bili pinapehē' ni deyoman ba'anan ero' talun, ya magpangal'kkob. Angkan subay ataha' akkalbi, maka subay ahatul kajarihanbi.

Lukas 20:13

Manjari yuk tag-kabbun, ‘Ai bahā' subay hinangku? Papehē'ku gi' anakku luggiya', ya kalasahanku. Tantu iya pinagaddatan e' sigām.’

1 Samwel 3:16

sagō' nilinganan iya e' si Eli. “Samwel! Otō'!” yukna. Jari anambung si Samwel yukna, “Oy itiya' aku.”

1 Samwel 3:8

Jari, angalingan na isab si Yawe ma si Samwel, kat'lluna na. Magtūy iya magdai'-dai' pehē' ni si Eli maka he'na ah'lling, “Itiya' aku,” yukna. “Bay du aku linganannu.” Na tasayu e' si Eli, si Yawe ya angalinganan onde' inān.