Panagna'an 32:31 - Kitab Injil and Kitab Awal-Jaman

³¹ Yamboho' paluwas mata llaw ma waktu kalanjal si Yakub min lahat Peniyēl e'. Magpengka'-pengka' isab iya ma sabab dambila' lo'atan pangkulna magsā'.

Panagna'an 32:31 ပူးပေါင်းရင်းမြစ်များ

Panagna'an 16:13

Yuk si Hajara ma deyom atayna, “Arī! Masi bahā' aku allum minsan ta'nda'ku Tuhan?” Manjari ya pangōnna ma PANGHŪꞋ ya bay ah'lling ma iya, “Tuhan ya Maka'nda' ma aku.”

Panagna'an 19:15

Pagdai' llaw pinogos si Lōt e' saga mala'ikat-i, yuk sigām, “Pal'kkas ka magmomos. Bowahun anak-h'ndanu ala'an min lahat itu bo' supaya kam mbal talapay pinagmulka'an e' Tuhan.”

Panagna'an 19:23

Na, pagt'kka disi Lōt ni Sowar yamboho' pasobang mata llaw.

Panagna'an 32:25

Na, pagnanam e' a'a inān in si Yakub mbal tara'ugna, magtūy tibu'na ma pangkulna ati magsā' lo'atanna.

Panagna'an 32:32

Ya he' sababna angkan bangsa Isra'il mbal to'ongan amangan ugat sumbali'an ya ma lo'atan pangkul. Ya ina'an addat sigām sampay ni kabuwattituhan, tu'ud nientom mbo' sigām si Yakub bay waktu kapanibu' pangkulna.

Paglappas 24:10

Ma būd pa'in, ta'nda' e' sigām Tuhan ya pagtuhanan mbo' sigām si Isra'il. Jari aniya' sali' lantay luwa palmata bilu ta'nda' e' sigām ma deyo'an tape'na, dat'llak maka langit.

Paglappas 24:11

Sagō' halam ni'inay e' Tuhan saga pagmakōkan bangsa Isra'il e'. Ta'nda' iya e' mata sigām hinabu sigām magduwa'a salamat.

2 Kurintu 12:7

Bay aku pinat'kkahan p'ddi', ya pinagbahasa “tugsuk ma isiku”, sali' hantang sosoho'an saitan pinabeya' anasat aku bo' supaya aku mbal makapagabbu ma bay pina'nda'an aku ma deyom sulga'.

2 Kurintu 12:9

Sagō' anambung iya, yukna, “Sarang ma ka'a bang ka tabangku na pa'in. Minnē' asampulna' kawasaku, pagka ka'a mbal makakole'an di-nu.” Angkanna aku kinōgan magbantug ma pasal kalammahanku, sabab bang aku alamma, tananamku to'ongan kawasa Al-Masi.

Maghuhukum 6:22

Tata'u pa'in e' si Gidiyun mala'ikat PANGHŪꞋ ya bay papa'nda' ni iya, magtūy iya amanyabut, “Arōy, PANGHŪꞋ Sangat Kawasa! Bay aku makapagbaihu' maka mala'ikatnu!”

Maghuhukum 6:23

Saguwā' amissala PANGHŪꞋ ni iya, yuk-i, “Pahantap ka! Da'a ka tināw, mbal du ka amatay.”

Maghuhukum 8:8

Pagla'an minnē', palanjal sigām ni Peniyēl ati binalikan e' si Gidiyun bay pangamu'na dahū ma a'a Sokkot. Saguwā' ya lling a'a Peniyēl ma si Gidiyun sali' du maka buwat bay lling a'a Sokkot.