Panagna'an 2:7 - Kitab Injil and Kitab Awal-Jaman

⁷ Manjari itu aniya' tana' niā' e' PANGHŪꞋ Tuhan, kinompol e'na nihinang baran a'a. Ninapasan e'na napas kallum ni ūng a'a inān ati tahinang iya manusiya' taga-napas na.

Panagna'an 2:7 ပူးပေါင်းရင်းမြစ်များ

Panagna'an 1:27

Manjari pinapanjari manusiya' e' Tuhan ma buwat kajarihanna. Pinas'ppu sigām ni iya, nihinang sigām l'lla maka d'nda.

Panagna'an 2:6

sagō' abase' tana' e' bohe' ya patubud min deyo'.

Panagna'an 3:23

Angkan na disi Adam pinaluwas e' PANGHŪꞋ Tuhan min kabbun Eden. Sinō' iya maghuma ma tana' bay pangahinangan iya.

Panagna'an 7:22

Kamemon ai-ai bay taga-napas ma gintana'an wa'i magpatayan lullun.

Kalangan 100:3

Ta'uhunbi si Yawe, in iya Tuhan. Si Yawe ya bay amapanjari kitam, ati suku'na kitam. A'ana kitam, sapantun bili-bili ma pangipatanna.

Kalangan 103:14

Sabab kinata'uwan asal e'na ya bay pangompolan kitam manusiya'. Taentomna in kitam bay nihinang min bagunbun tana'.

Yahiya 20:22

Puwas e' anganapas si Isa ma sigām maka e'na ah'lling, yukna, “Taima'unbi na Rū Sussi.

Kahinangan 17:25

Maka mbal iya mikitabang ma manusiya' sabab halam aniya' kulang ma iya. Dakayu'-kayu' iya asal amuwan kallum maka napas, maka kalluman indaginis ma binangsa manusiya'.

Rōm 9:20

Atawakkal pahāp ka anganjawab buwattilu! Manusiya' du ka, ati samlangnu Tuhan! Bang saupama kibut, aniya' bahā' anamlang a'a bay angahinang iya, yukna, “Angay aku hinangnu buwattitu?”

1 Kurintu 15:45

buwat tasulat ma deyom Kitab, ya yuk-i, “Si Adam tagna' bay kabuwanan kallum e' Tuhan.” Sagō' aniya' gi' Adam damuli, hatina Al-Masi ya po'onan kallum pamakallum ma manusiya'.

1 Kurintu 15:47

Si Adam tagna' inān bay kinompol min tana', sagō' si Adam damuli itu min sulga' asal.

2 Kurintu 4:7

Sagō' halam aniya' kosog kami bang ma baran kami, minsan bay pangandol e' Tuhan amowa lapalna ahalga'. Sali' kami dalil l'ppo' aguya'. Angkan buwattē' supaya atampal ni a'a kamemon Tuhan ya po'onan kawasa, ngga'i ka kami.

2 Kurintu 5:1

Mbal kita pahondong maghinang ni Tuhan sabab kata'uwanta, minsan alubu panggung ya pahanti'anta itu (hatina baranta pinjaman), aniya' luma' kakkal tinagamahan kita e' Tuhan ma deyom sulga'. Nihinangan kita e'na baran baha'u anatas ni kasaumulan.

1 Timuti 2:13

Sabab si Mbo' Adam bay pinapanjari dahū e' Tuhan bo' yampa si Sitti Hawa.

Hibrani 12:9

Minsan mma'ta maitu ma dunya, bay ami'at kita ati masi sigām pagaddatanta. Ya lagi'na isab Mma'ta Tuhan, ya ang'ntan palnyawahan manusiya'. Subay kita magmaluluy ma iya bo' supaya kita allum to'ongan.