Panagna'an 2:3 - Kitab Injil and Kitab Awal-Jaman

³ Binarakatan e' Tuhan llaw kapitu' he', minulliya e'na, sabab ya he' llaw bay kahalina min hinangna amapanjari ma kamemon ai-ai.

Panagna'an 2:3 ပူးပေါင်းရင်းမြစ်များ

Panagna'an 1:31

Manjari pag'nda' Tuhan ma kamemon bay pinapanjari e'na, kasulutan to'ongan iya. Puwas pa'in sangom bo' llaw, llaw ka'nnomna na.

Panagna'an 2:2

Ta'abut llaw kapitu'na, aubus na Tuhan ma kamemon hinangna ati pahali na iya.

Panagna'an 2:4

Na, buwattē' ya pamapanjari langit maka dunya. Tagna' bay kapamapanjari PANGHŪꞋ Tuhan ma langit maka dunya,

Paglappas 23:12

“Maghinang kam ma deyom nnom llaw, sagō' ta'abut pa'in llaw kapitu'na subay kam pahondong maghinang. Minnē' aniya' llaw pamahali saga sapi'bi maka saga kura'bi, sampay isab saga atabi maka a'a bangsa liyu ya paokom ma ka'am. Jari pahāp palasahan sigām pabīng.

Paglappas 34:21

“Makajari kam maghinang atawa magusaha ma deyom nnom llaw, sagō' subay kam pahali maghinang ma llaw kapitu'na. Minsan ma waktu pagararu atawa waktu pagani, subay kam pahali ma llaw kapitu'.

Markus 2:27

Llaw paghali itu,” yuk si Isa ma saga Parisi inān, “bay pinaniya' e' Tuhan panabang ma manusiya'. Ngga'i ka manusiya' ya pinapanjari ma sabab aniya' llaw Sabtu'.

Lukas 23:56

Jari amole' na sigām anakap saga laksi' maka ns'llan pahamut pamahilala' sigām ma mayatna. Ta'abut pa'in llaw Sabtu', pahali na sigām buwat panoho'an sara' agama.