Panagna'an 1:24 - Kitab Injil and Kitab Awal-Jaman

²⁴ Angallam Tuhan, yukna, “Subay aniya' ba'anan kaginisan ma deya, saga hayop ni'ipat maka saga sattuwa talun, maka ai-ai isab maglelehan ma tana'.” Magtūy paniya' na.

Panagna'an 1:24 ပူးပေါင်းရင်းမြစ်များ

Panagna'an 1:23

Puwas pa'in sangom bo' llaw, llaw kalimana na.

Panagna'an 2:19

Jari binowa e' PANGHŪꞋ Tuhan kamemon saga hayop maka sattuwa maka kamemon saga manuk-manuk ya bay hinangna min tana'. Binowa e'na pehē' ni l'lla inān supaya kinata'uwan bang ai pangōnna ma ba'anan sattuwa, hayop maka manuk-manuk e'. Manjari ai-ai pangōnna ma sasuku taga-napas inān, ya na he' ōnna.

Panagna'an 7:14

Tabeya' isab ma sigām kamemon ginisan sattuwa maka hayop aheya-ariki', sattuwa talun maka hayop ni'ipat, sampay saga maglelehan ma tana'. Tabeya' isab kamemon ginisan manuk-manuk maka ai-ai magleyangan.

Panagna'an 8:19

Pareyo' du isab saga kahayop-hayopan maka saga kamanuk-manukan sampay ai-ai maglelehan ma tana'. Pareyo' sigām daginis maka daginis.

Kalangan 148:10

kaginisan sattuwa talun maka kamemon sapi' ni'ipat, manuk-manuk palē maka manuk-manuk pikpikan