Pamabukisan 7:16 - Kitab Injil and Kitab Awal-Jaman

¹⁶ Mbal na sigām lingantu atawa patay bohe' pabalik sampay ni kasaumulan. Mbal sigām kinapiyalu atawa apanggang,

Pamabukisan 7:16 ပူးပေါင်းရင်းမြစ်များ

Kalangan 121:5

Si Yawe ya anganjagahan ka'a, pasindungannu si Yawe pataptap ma bihingnu kowan.

Kalangan 121:6

Mbal ka kinapiyalu bang llaw, mbal ka taluwa' bulan bang sangom.

Kalangan 143:6

Jari anangga aku tudju ni ka'a, mbal kasandalan pagmatay ma ka'a, sapantun a'a patay bohe' ma lahat apanggang.

Kalangan 63:1

O Tuhan, ka'a ya Tuhanku, landu' aku angentom ma ka'a. Bang aku alawak min haddaratnu, ya sapantunna lahat paslangan halam aniya' bohe'na. Patay bohe' palnyawahanku, apanggang baranku ma sabab katuyu'ku ma ka'a.

Yunus 4:8

Alanga pa'in llaw, aniya' isab baliyu pabeya'na min sobangan, baliyu landu' apasu', jari kasilakan kōk si Yunus sampay iya kinapiyalu. Bilahi na iya amatay, yukna, “Gom gi' aku amatay.”

Matiyu 13:21

sagō' palman Tuhan e' halam bay anganggamut palalom ma deyom atay sigām. Mbal anatas pagiman sigām. Ta'abut pa'in sigām t'kkahan susa atawa nila'at e' pagkahi sigām ma sabab pameya' sigām ma palman Tuhan, magtūy sigām ang'bba min pagiman sigām.

Matiyu 13:6

Sagō' pasilak pa'in llaw, magtūy alūs ugbusna sampay alanos, sabab mbal alalom gamutna.

Matiyu 5:6

Aheya kahāpan sasuku magmatayan itikad abontol, sabab karūlan iya e' Tuhan.

Markus 4:17

Sagō' palman Tuhan itu halam bay anganggamut palalom ma deyom atay sigām, angkan pagiman sigām mbal anatas pat'ggol. Ta'abut pa'in sigām t'kkahan susa atawa nila'at e' pagkahi sigām ma sabab pameya' sigām ma palman Tuhan, magtūy sigām ang'bba min pagiman sigām.

Markus 4:6

Sagō' pasilak pa'in llaw, magtūy alūs ugbusna inān sampay alanos, sabab halam alalom gamutna.

Lukas 1:53

Saga a'a atiksa' binuwanan e'na lidjiki' aheka, maka a'a dayahan pinala'an e'na ma halam aniya' tabowa sigām.

Lukas 6:21

Aheya kahāpan sasuku kam kasigpitan ma buwattina'an, sabab mag'ssohan du kam ma sinosōng. Aheya kahāpan sasuku kam magtangis ma buwattina'an, sabab magtittowa du kam ma sinosōng.

Yahiya 4:14

Sagō' sasuku anginum bohe' pamainumku, mbal to'ongan iya patay bohe' pabīng. Sabab bohe' pamainumku iya sapantun tuburan bohe' amuwal ma deyom atayna, amuwanan iya bohe' makakallum saumul-umul.”

Yakub 1:11

Makasilak pa'in llaw, magtūy alanos kasagmotan e' pasu' llaw he'. Apakpak sumpingna ati pahalam bay manisna. Buwattē' du isab bang a'a dayahan. Kosog-kosogan pa'in iya angusaha, amatay du iya ati ka'bbahan du pagusahana.

Pamabukisan 21:4

Sinapuhan e'na kamemon bohe' mata sigām. Halam na aniya' magkamatay, halam na aniya' magdohon atawa magtangis, maka halam na aniya' p'ddi' tananam e' sigām. Sabab kamemon kahālan ma dunya tagna' pahalam na.”