Pamabukisan 7:10 - Kitab Injil and Kitab Awal-Jaman

¹⁰ Atanog e' sigām magsuwala sama-sama, yuk-i, “Sanglitanta Tuhan Manglalappas, ya aningkō' ma paningkō'anna bangsahan. Pudjita isab Bili-bili.”

Pamabukisan 7:10 ပူးပေါင်းရင်းမြစ်များ

Kalangan 3:8

Si Yawe ya angaliyusan aku min kamulahan. Bang pa'in buwanannu kahāpan saga a'a suku'nu.

Kalangan 37:39

Lappasan sasuku asussi pangatayanna, sabab min PANGHŪꞋ, ya sapantun kuta' pasindungan a'ana bang t'kkahan bala'.

Yunus 2:9

Sagō' aku itu anukbalan kulban ni ka'a hinabu angalang pamudji. Tumanku bay najalku ni ka'a, sabab ka'a ya si Yawe ya PANGHŪꞋ maglalappas.”

Lukas 3:6

Manjari ta'nda' e' manusiya' kamemon kapanglappas Tuhan ma sigām.’ ”

Yahiya 1:29

Pag'llaw dakayu', ta'nda' e' si Yahiya si Isa tudju pehē' ni iya. Jari magsambatan si Yahiya yukna, “Nda'unbi, ilu na Bili-bili ya pamuwan e' Tuhan pagkulban ma sabab bangsa manusiya' supaya pinuwasan paldusahan sigām.

Yahiya 1:36

Pag'nda'na si Isa palabay, ah'lling iya, yukna, “Nda'unbi. Ina'an Bili-bili min Tuhan.”

Yahiya 4:22

Ka'am saga a'a Samariya mbal ata'u bang ai ya pagta'atanbi. Saguwā' in kami makata'u asal, sabab in paglappas ma manusiya' paluwa' min bangsa Yahudi.

Epesos 2:8

Sabab min ase' maka lasa Tuhan ya angkan kam lappasan, ma sabab pangandolbi ma Al-Masi. Ngga'i ka min kahinanganbi, tu'ud pamuwan Tuhan ma ka'am.

Pamabukisan 12:10

Puwas e', aniya' takaleku suwala akosog ah'lling min deyom sulga', yukna, “Ta'abut na waktu kapangalappas Tuhan ma manusiya'. Pina'nda'an na e' Tuhan ya kosog kapagparintana. Pina'nda'an na isab kapatut Al-Masi ya tapene'na. Sabab nakura' saitan bay anuntutan danakantam llaw-sangom ma alopan Tuhan, ina'an na bay nilarukan paluwas min sulga'.

Pamabukisan 19:1

Na aubus pa'in e'-i, aniya' takaleku sali' suwala min manusiya' kumarukan hekana sikapūn-pūnan maina'an ma sulga'. Yuk sigām, “Pudjitam Tuhan! Ma iya asal sahaya maka kawasa. Tunggal du iya makalappasan kitam min dusa.

Pamabukisan 21:5

Sakali angabtang Dangan ya aningkō' ma tingkō'an bangsahan, yukna, “Na, pabaha'uku na ai-ai kamemon.” Yukna lagi', “Sulatun itu, sabab b'nnal sadja kabtangan itu maka kapangandolan.”

Pamabukisan 22:3

Halam aniya' mulka' tabāk ma deyom da'ira inān. Ya tingkō'an Tuhan maka Bili-bili ina'an ma deyom da'ira ati pinudji du iya e' saga sosoho'anna.

Pamabukisan 4:6

Aniya' isab ma dahuan paningkō'an inān pinaka s'llang aningaw-tingaw, sali' luwa samin. Ta'nda'ku isab ma sakalibut paningkō'an, ma mpat duguna, aniya' mpat binatang. Alapat baran sigām e' mata, min dahuan maka min bukutan.

Pamabukisan 5:7

Sakali itu pa'abut Bili-bili itu ni Dangan ya aningkō' ma paningkō'an bangsahan, angā' gulungan katas min tanganna kowan.