Pamabukisan 19:4 - Kitab Injil and Kitab Awal-Jaman

⁴ Manjari in duwampū' maka mpat pagmatto'ahan maka mpat binatang e' magsujuran na, maka e' sigām amudji Tuhan ya aningkō' ma paningkō'an bangsahan. Yuk sigām, “Amin! Sanglitantam Tuhan!”

Pamabukisan 19:4 ပူးပေါင်းရင်းမြစ်များ

Matiyu 28:20

Pandu'inbi sigām subay ameya' ma kamemon bay panoho'anku ka'am. Maka itu entomunbi pahāp, pagapi' du aku ma ka'am sampay niabutan masa.” Tammat

Matiyu 6:13

Da'a kami tugutin binowa ni deyom sasat, sagō' papuwasun kami min nakura' saitan, ya patila'atun.’

1 Kurintu 14:16

Bang kam ganta' magsukul ni Tuhan min deyom pangatayanbi sadja, bo' mbal kahangpatan e' saga jama'a kasehe'an ma pagtipunanbi, buwattingga e' sigām makapangaho' ma pagsukulbi ilu?

Pamabukisan 15:7

Makaluwas pa'in, na, tinoporan sigām pinggan bulawan e' dakayu' binatang min mpat inān. Ya pitu' pinggan inān ap'nno' e' mulka' Tuhan ya kakkal ni kasaumulan.

Pamabukisan 19:1

Na aubus pa'in e'-i, aniya' takaleku sali' suwala min manusiya' kumarukan hekana sikapūn-pūnan maina'an ma sulga'. Yuk sigām, “Pudjitam Tuhan! Ma iya asal sahaya maka kawasa. Tunggal du iya makalappasan kitam min dusa.

Pamabukisan 19:3

Sakali in ba'anan a'a inān magsuwala pabīng, suwala atanog, yuk-i, “Sanglitantam Tuhan! Atunu' da'ira babantugun. Pat'bbud na pa'in humbuna sampay ni kasaumulan.”

Pamabukisan 19:6

Puwas e' aniya' takaleku sali' suwala min manusiya' kumarukan hekana. Akosog to'ongan llingna, sali' lagublub bohe' anasahan min diyata' maka sali' l'ggon landu' akosog. Takaleku ya bissala sigām, yuk-i, “Sanglitanta na Tuhan! Sanglitanta na Panghū'tam Tuhan Sangat Kawasa, sabab pat'nna'na na pagparintana!

Pamabukisan 5:14

Sakali anambag mpat binatang inān, yuk-i, “Amin”. Ati pasujud karuwampū' maka mpat pagmatto'ahan inān amudji Tuhan maka Bili-bili.