Matiyu 18:22 - Kitab Injil and Kitab Awal-Jaman

²² Yuk si Isa, “Ngga'i ka hal min pitu', sagō' min pitumpū' maka pitu'.”

Matiyu 18:22 ပူးပေါင်းရင်းမြစ်များ

Panagna'an 4:24

Na, bang bineya' bissala Tuhan ma si Kabil in iya subay binalosan min pitu', ya lagi'na bang aniya' amono' aku, a'a inān subay binalosan min pitumpū' maka pitu'.”

Matiyu 18:23

Jari magparalilan si Isa, yukna, “In kapagparinta Tuhan sali' dalil dakayu' sultan ya bilahi amista palutangan saga tendogna.

Markus 11:25

Maka bang kam an'ngge angarap ni Tuhan, bo' aniya' akon-akon ma deyom ataybi ni a'a, ampununbi iya bo' supaya kam niampun isab e' Tuhan ma kala'atan bay tahinangbi. [

Rōm 12:21

Bang kam ganta' nila'at, da'a balosinbi. Hāpunbi a'a angala'at inān bo' tara'ug la'atna sabab min kahāpbi.

Epesos 4:26

“Bang kam ganta' angastol, pahalli' kam bo' mbal tabowa angahinang ala'at.” Da'a buku-bukuhinbi pangastolbi sampay ni kakohapan.

Epesos 4:31

Timaninbi koto'-koto' deyom ataybi kamemon, maka astolbi. Da'a pakawasunbi ataybi, da'a kam angamahit atawa angalimut, da'a isab kam anganjingki ma sai-sai.

Kolossa 3:13

Bang aniya' pagla'atanbi maka pagkahibi, sagarinbi na. Bang aniya' kap'ddi'anbi atay, subay kam magampun-iyampuni. Ya pangampunbi ma pagkahibi manusiya' subay buwat kapangampun ka'am e' Panghū' Isa.

1 Timuti 2:8

Maingga-maingga aniya' saga jama'a si Isa magtipun, ya kabaya'anku in kal'llahan subay angamu'-ngamu' ni Tuhan magatay pote', hinabu sigām anangga ma halam aniya' ka'astol atawa paglugat sigām ni sai-sai.