Maghuhukum 21:14 - Kitab Injil and Kitab Awal-Jaman

¹⁴ Angkan ma waktu he' magpole'an na pabalik ya saga panubu' Benjamin ati bay sigām binuwanan kabudjangan panubu' Jabes-Giliyad ya bay tabowa e' bangsa Isra'il. Saguwā' kulang gi' itu ma sigām.

Maghuhukum 21:14 ပူးပေါင်းရင်းမြစ်များ

1 Kurintu 7:2

Sagō' aheka tabowa-bowa maghinang kala'atan d'nda maka l'lla, angkan kam d'nda maka l'lla subay pinahola'an kamemon.

Maghuhukum 20:47

Saguwā' nnom hatus gi' min sigām inān ya bay makalahi ni paslangan tudju ni Batu Rimun ya na pat'nna'an sigām ma deyom mpat bulan.

Maghuhukum 21:12

Puwas he' makapiha sigām mahē' mpat hatus kabudjangan ya halam lagi' bay makapagdakayu' maka l'lla, ati binowa itu e' sigām ni pustu ma Silo ya ma Kana'an.

Maghuhukum 21:13

Manjari ya saga tumpukan bangsa Isra'il bay amabeya' lapal pagsulutan ni panubu' Benjamin ma batu Rimun.

Maghuhukum 21:15

Magkarukka'an to'ongan ya saga bangsa Isra'il ma pasal panubu' Benjamin ma sabab min kahandak Tuhan angkan halam na magdakayu' ya saga panubu' bangsa Isra'il.

Maghuhukum 21:22

Bang magpuhun ni kami saga ka'mma'an sigām atawa saga danakan sigām l'lla, ah'lling kami ni sigām, ‘Angampun pa'in kam. Pasagarinbi na sigām sabab kulang saga kar'ndahan bay ta'ā'tam ma waktu bay pagbono'. A'awam kam sabab halam bay pamah'ndabi ma sigām ya saga ka'anakanbi d'nda.’ ”

Maghuhukum 21:8

Puwas he' magtilaw-tilawan di-sigām, “Sai min saga panubu' bangsa Isra'il ya halam bay makalamud ma pagdakayu'tam ni Tuhan ma Mispa?” Sakali tata'u e' sigām halam aniya' minsan dakayu' min panubu' Jabes-Giliyad bay pehē' ni pustu palamud ma pagdakayu' sigām.