Maghuhukum 21:13 - Kitab Injil and Kitab Awal-Jaman

¹³ Manjari ya saga tumpukan bangsa Isra'il bay amabeya' lapal pagsulutan ni panubu' Benjamin ma batu Rimun.

Maghuhukum 21:13 ပူးပေါင်းရင်းမြစ်များ

Lukas 10:5

“Bang aniya' luma' pariyata'anbi pah'llinginbi dahū, yuk-i, ‘Bang pa'in kam kaniya'an kasannangan!’

Epesos 2:17

Bay pi'itu Al-Masi anganasihatan kitam kamemon, ka'am ya bay alawak min Tuhan maka ka'am ya asekot. Ya panganasihatna ni kitam, makajari na kitam maghāp maka Tuhan

Maghuhukum 20:45

Ya saga kasehe'an sigām inān alahi na pa'in ni paslangan tudju ni Batu Rimun, saguwā' lima ngibu puhu' min sigām ya tapapatay e' bangsa Isra'il ma labayan. Masi na pa'in sigām tinurul e' ba'anan bangsa Isra'il sampay ta'abut ni Gidom maka makapapatay gi' sigām duwa ngibu puhu'.

Maghuhukum 20:47

Saguwā' nnom hatus gi' min sigām inān ya bay makalahi ni paslangan tudju ni Batu Rimun ya na pat'nna'an sigām ma deyom mpat bulan.

Maghuhukum 21:12

Puwas he' makapiha sigām mahē' mpat hatus kabudjangan ya halam lagi' bay makapagdakayu' maka l'lla, ati binowa itu e' sigām ni pustu ma Silo ya ma Kana'an.

Maghuhukum 21:14

Angkan ma waktu he' magpole'an na pabalik ya saga panubu' Benjamin ati bay sigām binuwanan kabudjangan panubu' Jabes-Giliyad ya bay tabowa e' bangsa Isra'il. Saguwā' kulang gi' itu ma sigām.