Kolossa 3:18 - Kitab Injil and Kitab Awal-Jaman

¹⁸ Ka'am kar'ndahan subay ameya' ma kabaya'an h'llabi. Patut isab, pagka si Isa ya Panghū'bi.

Kolossa 3:18 ပူးပေါင်းရင်းမြစ်များ

Panagna'an 3:16

Amissala isab Tuhan ma d'nda, yukna, “Na, buwattitu pangangganta'ku ma ka'a, ganapanku to'ongan kasusahannu bang ka ab'ttong, kap'ddi'an to'ongan ka bang ka anganak. Daipara minsan buwattē', h'llanu ya kabilahiannu na pa'in, maka iya ya makapagbaya' ma ka'a.”

Ester 1:20

Jari bang tapatanyag na sara' panoho'an sultan ma kamemon lahat ya beya' ma iya, kamemon saga kar'ndahan magaddat ma saga kah'lla'an sigām, ai-na ka areyo' atawa alanga.”

Kahinangan 5:29

Anambung si Petros maka kasehe'an bay kawakilan e', yuk sigām, “Panoho'an Tuhan ya subay beya' kami, ngga'i ka panoho'an manusiya'.

1 Kurintu 11:3

Na aniya' gi' pamandu'ku. Ta'uhunbi itu: si Isa Al-Masi ya pagmakōkan kal'llahan, ati l'lla ya pagmakōkan kah'nda'an sigām, maka Tuhan ya pagmakōkan Al-Masi.

1 Kurintu 14:34

saga d'nda subay pahantap sabu sigām ma palhimpunan. Mbal sigām pinalamud magsambung himumūngan sabab bang ma dakayu' sara' Yahudi, “kar'ndahan subay magmaluluy sadja.”

Epesos 5:22

Ka'am kar'ndahan, subay asulut ma kabaya'an h'llabi, buwat kasulutbi ma Panghū'tam.

Epesos 5:3

Ka'am ilu, pagka kam palsuku'an Tuhan, subay mbal na maghinang kala'atan d'nda maka l'lla atawa maghinang kahina'an, atawa dumasiyaw magnapsu ai-ai. Mbal tapagsuli-suli saga kahinangan buwattē'.

Epesos 5:9

Sasuku ma deyom karanta'an, kahāpan maka ka'adilan maka kasab'nnalan ya kamattihanna.

1 Timuti 2:12

Mbal tugutanku saga d'nda magnasihat atawa magmanda ma l'lla. In d'nda subay hal akale bang ma palhimpunanbi.