Kalangan 93:5 - Kitab Injil and Kitab Awal-Jaman

⁵ Atantu pangahatulnu, mbal magpinda-pinda. Alingkat luma'nu e' kasussina. Alingkat ni kasaumulan, O PANGHŪꞋ.

Kalangan 93:5 ပူးပေါင်းရင်းမြစ်များ

Kalangan 119:129

Makainu-inu pamandu'nu, angkan bogboganku to'ongan.

Paglappas 28:36

Ah'lling gi' PANGHŪꞋ ma si Musa, yukna, “Amasasal ka dakayu' tapak-tapak dī bulawan niukilan maka kabtangan itu, ‘Sussi-manussi Pamasuku' si Yawe.’ Ukilanna subay sali' ukilan singsing.

Matiyu 24:35

Papinda du langit maka dunya, sagō' kabtanganku itu mbal to'ongan magkapinda.”

Yahiya 4:24

In Tuhan rū asal, maka sasuku amudji iya subay min itikad sigām maka min kasab'nnalan.”

Hibrani 12:14

Subay kam amuspus magsulut maka a'a kamemon. Tuyu'inbi isab kaul-pi'il asussi, sabab halam aniya' makata'u Tuhan bang mbal asussi.

Pamabukisan 21:27

sagō' halam aniya' lumu' pinasōd pina'an atawa a'a maghinang kamaruhan atawa a'a magputing. Ya sadja makasōd ni deyom da'ira inān bang a'a bay tasulat ōn sigām ma kitab suku' Bili-bili, ya kitab panunulatan ōn a'a bay kabuwanan kallum kakkal.