Kalangan 61:7 - Kitab Injil and Kitab Awal-Jaman

⁷ Mura-murahan, bang pa'in iya magsultan ma matahannu salama-lama tahun. Hampanin iya pahāp ma sabab lasanu maka janji'nu ya mbal magkapinda.

Kalangan 61:7 ပူးပေါင်းရင်းမြစ်များ

Panagna'an 24:27

Yukna, “Pudjiku si Yawe ya pagtuhanan nakura'ku si Ibrahim, pagka itiya' pa'nda'anna lasana maka ase'na ma iya. B'nnal-b'nnal katō'an aku e'na lān tudju ni kakampungan nakura'ku.”

Panagna'an 32:10

Atanu aku, a'a mbal tinōp subay nihāp e'nu. Sagō' minsan na, aheya ase' maka lasanu ma aku. Waktu lagi' kauntasku ni dambila' sapa' Jordan, halam aniya' tabowaku, luwal la'a dakayu' tungkud ma tanganku. Saguwā' ma buwattina'an itiya' na aku magduwa tumpukan ma labayan tudju amole'.

Kalangan 40:11

Ya PANGHŪꞋ, da'a pa'in ka'llogin ase'nu ma aku. Hampanin aku sakahaba' waktu maka lasanu kakkal, maka kab'nnalannu.

Lukas 1:33

Ati magsultan iya ma bangsa Isra'il, ya panubu' si Yakub, sampay ni kasaumulan. Halam aniya' katobtoban pagsultanna.”

Hibrani 9:24

Jari sinōd e' Al-Masi in Bilik Mahasussi, sagō' ngga'i ka bilik sussi hinangan manusiya' ma buwat suntu'an bay min sulga'. Pasōd Al-Masi ni deyom sulga' to'ongan bo' makapagharap maka Tuhan ma haddaratna, ati maina'an iya anganjunjung ma pasalantam.