Kalangan 51:13 - Kitab Injil and Kitab Awal-Jaman

¹³ Jari pandu'anku saga a'a ya angalanggal sara'nu, pandu'anku sigām pasal kaul-pi'il ya makasulut ataynu. Ati aniya' saga a'a dusahan pabalik ni ka'a.

Kalangan 51:13 ပူးပေါင်းရင်းမြစ်များ

Kalangan 19:7

Ajukup asal sara' bay pinat'nna' e' si Yawe, ya na sara' makahayang palnyawahan manusiya'. Kapangandolan ai-ai pangahatul e' si Yawe, ya na hatulan pangā'an pangita'u e' a'a bilahi pinandu'an.

Kalangan 22:27

Kinannal si Yawe he' a'a kamemon ma mpat pidju alam itu, ati papinda sigām magta'at ni iya. Magpudji sabarang bangsa ma alopanna,

Kalangan 32:5

Malaingkan bay tapamattanku dusaku ni ka'a, halam bay limbunganku kala'atanku. Yukku, “Gom aku magpasab'nnal ni PANGHŪꞋ,” magtūy ta'ampunnu kasā'anku kamemon.

Matiyu 18:3

Yuk si Isa, “Haka'anta kam to'ongan, sai-sai mbal apinda palantarana ni buwat palantara onde'-onde' itu, mbal to'ongan pinasōd ni deyom pagparintahan Tuhan.

Lukas 22:32

Sagō' bay ka amu'anku tabang ni Tuhan, Simun, bang pa'in mbal apinda pangandolnu ma aku. Taikutannu du aku, sagō' bang ka pabīng ni aku subay ka amat'ttog iman saga dauranakannu.”

Kahinangan 13:10

Yuk si Paul ma iya, “Anak saitan! Pangangakkal! Jahulaka'! Ai-ai makahāp sagga'nu sadja. Mbal ka pahali amabengkok kal'ngnganan b'nnal ya min Panghū'!

Kahinangan 15:3

Na, pinalanjal disi Paul e' saga jama'a ma Antiyuk. Paglintas sigām pa'in labay min lahat Piniki maka min Samariya, nihaka e' sigām maina'an pasal saga bangsa ngga'i ka Yahudi ya papinda na ni Tuhan. Landu' kinōgan saga bebeya'an si Isa, pagkale sigām ma lapal disi Paul itu.

Kahinangan 3:19

Na,” yuk si Petros, “taikutinbi na dusabi. Papinda kam ni Tuhan bo' pinapasan e'na dusabi, ati bo' kam pinaniya'an kahayangan atay e' Panghū'.