Kalangan 37:5 - Kitab Injil and Kitab Awal-Jaman

⁵ Pama'andolunbi kahālanbi ni PANGHŪꞋ, pasangdolinbi iya, ati tahinang e'na ya amu'bi.

Kalangan 37:5 ပူးပေါင်းရင်းမြစ်များ

Panagna'an 24:12

Manjari angamu'-ngamu' iya ma Tuhan, yukna, “O Yawe, ya pagtuhanan nakura'ku si Ibrahim, tabangin aku llaw itu bo' ta'ā'ku maksudku. Pa'nda'in isab lasanu maka ase'nu ma nakura'ku he'.

Kalangan 22:8

Ya lling sigām ma aku, “A'a itu angandol ma si Yawe, na, patabangta iya ma PANGHŪꞋ-Yawe. Kalu iya pinuwas min kasigpitan, pagka aheya lasa PANGHŪꞋ ma iya.”

Matiyu 6:25

“Angkanna kam soho'ku da'a sakit magsusa pasal kallumanbi, bang ai kakanbi maka bang ai inumbi. Da'a kam magsusa isab pasal ginhawa baranbi bang ai kapan'mmekbi. Sabab kallumta itu labi ahalga' ma kita min kapamanganta. Ya du baranta, labi ahalga' min pan'mmekta.

Lukas 12:22

Jari amissala gi' si Isa ma saga mulidna, yukna, “Angkan kam soho'ku da'a sakit magsusa pasal kallumanbi bang ai kakanbi, atawa pasal ginhawa-baranbi bang ai kapan'mmekbi.

Yakub 4:15

Angkan subay buwattitu pah'llingbi, “Bang min kabaya'an Panghū', allum gi' kami ati makahinang itu-ini.”

1 Petros 5:7

Tukbalunbi kasusahanbi kamemon ni Tuhan, sabab magka'inagon du iya.

1 Samwel 12:4

Manjari anambung saga bangsa Isra'il inān, yuk sigām, “Halam kami bay akkalannu atawa pissoko'nu. Halam ka bay anangkawan sai-na ma kami.”