Kalangan 32:11 - Kitab Injil and Kitab Awal-Jaman

¹¹ Kalasiginbi si Yawe. Pakoyag kam sasuku ahāp kajarihanbi. Magkalang kam sasuku abontol itikadbi.

Kalangan 32:11 ပူးပေါင်းရင်းမြစ်များ

Kalangan 32:2

Aheya kahāpan ma sasuku abontol ma bistahan PANGHŪꞋ sasuku halam aniya' kaputingan ma pangatayanna.

Rōm 5:11

Maka ngga'i ka hal e'-i. Aniya' gi' isab kakōgantam aheya ma sabab bay tahinang e' si Isa Al-Masi Panghū'tam, angkan kitam maghāp na maka Tuhan.

Pilipi 3:1

Na, saga dauranakanku, ya itu katapusanna: magkōg-koyag kam ma sabab Panghū'bi si Isa. Mbal makainay ma aku bang aku anulatan ka'am pabalik pasal itu, bang pa'in kam asalamat.

Pilipi 3:3

Sagō' haka'anta kam, kitam ya taga-bainat b'nnal. Amudji kitam ni Tuhan sabab min Rū-na Sussi, maka magkōg-koyag isab kitam ma sabab si Isa Al-Masi. Halam aniya' pasangdolantam ma hinangan baran.

Pilipi 4:4

Magkōg-koyag kam sakahaba' waktu ma sabab Panghū' Isa ya parakayu'anbi. Balikanku lagi': magkōg-koyag kam!

1 Samwel 2:1

Manjari anambahayang si Hanna, yukna, “Akōg-koyag pangatayanku ma pasal si Yawe, Pinajatu kosogku ma sabab si Yawe, angkan pagtittowahanku saga bantaku, magkalasigan aku ma sabab da'ugan ya pamuwannu ma aku, O Tuhan.