Kalangan 16:6 - Kitab Injil and Kitab Awal-Jaman

⁶ Kabuwanan aku tana' ma lahat kasalamatan, landu' ahāp ya pamusaka'nu aku.

Kalangan 16:6 ပူးပေါင်းရင်းမြစ်များ

Kalangan 61:6

Bang pa'in pataha'nu umul sultan, bang pa'in pahogotnu pagsultanna sampay ma panubu'na.

Yahiya 20:17

Yuk si Isa ni iya, “Da'a aku balutin sabab halam gi' aku bay makapole' ni Mma'ku. Sagō' pehē' ka ni saga dauranakanku. Haka'in sigām in aku song amole' ni Mma'ku maka Tuhanku, hatina ni Mma' sigām maka Tuhan sigām.”

Rōm 8:17

Na, pagka kitam panganak Tuhan sab'nnal-b'nnal, pinahampitan kitam pusaka' ma llaw damuli. Magdakayu' kitam maka Al-Masi pinasambutan pusaka' itu, sabab bang kitam palamud ma kabinasahanna ma buwattina'an, palamud isab kitam ma kasahaya'anna bang ta'abut waktuna.

Epesos 1:18

Amu'ku isab bang pa'in pinasawa akkalbi bo' kasakupanbi to'ongan bang ai pangaholatanbi angkan kam pinene' e' Tuhan. Kabaya'anku isab subay kasakupanbi bang ai pamusaka' e' Tuhan ma ka'am saga a'a palsuku'anna, hatina saga lidjiki' mamarahi ahāp.

2 Timuti 2:12

Bang kita anandal na pa'in ma deyom kabinasahan, ameya' du kita ma si Isa ang'ntanan pagparinta ma sinosōng. Bang kita amalilu in si Isa ngga'i ka pameya'anta, pinaliluhan du kita isab e'na.

Hibrani 12:2

Subay patonganta si Isa saumul-umul, sabab iya ya pasangdolanta min katagna' sampay ni katapusan. Bay sinandalan e'na katiksa'an ma waktu kapangalansang iya ni hāg pinapatay. Halam bay paheyana ma atay kaiya'anna amatay ma hāg, sabab niangut e'na kakōgan ya tinagamahan iya. Ina'an na iya ma sulga' aningkō' ma haddarat Tuhan, tampal ni kowan.

Pamabukisan 3:21

Sasuku anganda'ug maka mbal tabowa e' sasat-manasat, buwananku du kapatut magsamatingkō' maka aku ma tingkō'anku bangsahan. Pasali' du iya ni aku pagka tara'ugku palbantahanku ati aningkō' aku ma bihing Mma'ku, ma paningkō'anna bangsahan.