Kalangan 148:13 - Kitab Injil and Kitab Awal-Jaman

¹³ Papudjihun kamemon pinapanjari itu, soho'un amabantug ōn si Yawe sabab luwal ōnna ya patut binantug. Minsan maingga ma dunya, minsan isab ma sulga' halam aniya' makaliyu min kamahaldika'an si Yawe.

Kalangan 148:13 ပူးပေါင်းရင်းမြစ်များ

Kalangan 8:1

O Yawe, ka'a pagpanghū'an kami, kaheya du pa'in mahaltabatnu ma kaluha'an dunya! Alanga sahayanu min kapitu' lapis langit.

Kalangan 8:2

Min kahandaknu saga kamanahutan amudji ōnnu, saga anak duru'an lagi' ananglitan ka'a. Angkan mbal maka'atu saga palbantahan, mbal makatukas saga magbabalos.

Kalangan 8:9

O Yawe, ya pagpanghū'an kami, kaheya du pa'in mahaltabatnu ma kaluha'an dunya!

Matiyu 6:13

Da'a kami tugutin binowa ni deyom sasat, sagō' papuwasun kami min nakura' saitan, ya patila'atun.’

Epesos 4:10

Jari ya a'a bay pareyo', iya isab bay pa'angkat pabalik ni liyu saga langit, bo' supaya aliput e'na kamemon.

Pilipi 3:8

Maka ngga'i ka hal e'-i. Ai-ai bay ahalga' ma aku dahū itungku na sali' halam aniya' pūsna, bang pa'in kata'uwanku Panghū'ku si Isa Al-Masi. Sabab ahalga' gi' iya min kamemon. Taikutanku na kamemon bay bistaku pangalta' ma waktu tagna', ati itungku na sali' s'ggit, bang pa'in ta'angutku Al-Masi,

1 Petros 3:22

Wa'i na iya pehē' ni sulga' aningkō' ma bihing Tuhan tampal ni kowan. Mahē' na iya magbaya' ma bangsa mala'ikat kamemon, maka ma ai-ai taga-kapatut atawa taga-ga'osan ma deyom sulga'.