Kalangan 143:7 - Kitab Injil and Kitab Awal-Jaman

⁷ O PANGHŪꞋ, pasa'ut lagi' ka anambung, sabab angalongkoy iman-nyawaku. Bang ka pataikut min aku, tantu aku pasali' ni saga a'a ya amole' lahat.

Kalangan 143:7 ပူးပေါင်းရင်းမြစ်များ

Kalangan 22:24

Sabab halam pabiyalna pagdahing saga a'a asukkal, halam bay pasagaranna ma deyom kasigpitan. Halam bay taikutanna sasuku angamu'-ngamu', gom pa'in tabangna.

Kalangan 27:9

Da'a kono' ka pataikut min aku sabab sosoho'annu aku. Da'a pa'in akagit ataynu, da'a aku taikutin, sabab ka'a ya pananabang ma aku. Da'a aku palehomun, da'a aku bbahin, sabab ka'a ya Tuhanku Manglalappas.

Kalangan 40:17

Maka aku itu, minsan kamiskinan maka kasigpitan, kinannal isab aku he' PANGHŪꞋ. O Tuhan, ka'a ya Mananabang maka Manglalappas ma aku, Pasa'ut ka kono'.

Kalangan 84:2

Sali' aku apunung e' baya'ku pi'ilu ni halaman luma' PANGHŪꞋ. Magkalang aku ni Tuhan kakkal ma sabab kakōranku, luwas min palnyawahanku maka min ginhawa-baranku.

Lukas 21:26

Agon amatay saga a'a sabab min tāw maka susa sigām, pagka aniya' bala' niagaran e' sigām song pat'kka ni dunya. Sabab saga pandoga ma tonga'an ayan pinala'an du min pat'nna'an sigām.