Kalangan 103:1 - Kitab Injil and Kitab Awal-Jaman

¹ Pudjiku si Yawe min deyom pangatayanku. Pudjiku ōnna sussi min palnyawahanku maka min kuwat-anggauta'ku.

Kalangan 103:1 ပူးပေါင်းရင်းမြစ်များ

Kalangan 103:22

Pudjihunbi PANGHŪꞋ, ka'am papanjarihanna, pudjihunbi iya maingga-maingga ma pagparintahanna. Pudjiku isab PANGHŪꞋ sampay min buli'-atayku.

Kalangan 63:5

Asalamat nyawaku, sapantun a'a asso he' kinakan ahāp lanabna, angkan aku angalang pamudji ka'a luwas min k'llongku.

Yahiya 4:24

In Tuhan rū asal, maka sasuku amudji iya subay min itikad sigām maka min kasab'nnalan.”

1 Kurintu 14:15

Jari, ai subay hinangku? Angamu' duwa'a aku min deyom pangatayanku, maka min akkal-pikilanku. Angalang aku pamudji Tuhan, min deyom pangatayanku maka min akkal-pikilanku.

Pilipi 1:9

Angamu'-ngamu' na pa'in aku ni Tuhan ma pasalbi, bang pa'in magkak'nnop na pa'in paglasabi dangan maka dangan, sampay pangita'ubi harap ni Tuhan. Bang pa'in pasōng isab akkalbi bo' ahāp e'bi amikilan ai-ai,

Kolossa 3:16

Gomgominbi pamandu' Al-Masi bo' pasobsob to'ongan ni deyom ataybi. Bang kam ganta' magpandu' dangan maka dangan, paglagihunbi pangita'u kamemon bay pamuwan ka'am. Magkalang kam saga kalangan pamudji Tuhan sampay kalangan makani-ka'am min Rū Tuhan. Magkalang kam pagka aheya pagsukulanbi ni Tuhan.

Pamabukisan 4:8

In mpat binatang inān taga-kepet, nnom hekana pakaniya-pakaniya, maka alapat sigām e' mata deyom-luwasan. Halam aniya' halian sigām magkalang llaw-sangom, yuk-i, “Sussi, sussi, sussi asal Tuhan, ya Panghū' Sangat Kawasa. In iya Tuhan mbal magkapinda sangay min awal tagna' sampay ni kabuwattituhan, sampay isab ni kasaumulan.”