Kahinangan 4:26 - Kitab Injil and Kitab Awal-Jaman

²⁶ Magdakayu' saga kasultanan bo' magsakap, Magtipun saga kanakura'an angatu ma Panghū', maka ma Al-Masi ya tapene'na magbaya'!’

Kahinangan 4:26 ပူးပေါင်းရင်းမြစ်များ

Kalangan 2:1

Angay angkan magbantu saga kabangsa-bangsahan, angay sigām magisun ma halam aniya' pūsna?

Kalangan 2:2

Magsakap di-sigām saga kasultanan, magsakaum saga pagnakura'an bo' angatu ma PANGHŪꞋ-Yawe, maka ma Al-Masi ya tapene'na.

Lukas 4:18

“Itiya' aku kapagbaya'an e' Rū Panghū', sabab tapene' aku e'na amasampay lapal ahāp ni saga a'a kamiskinan. Sinoho' aku pi'itu angahaka'an saga pilisu in sigām pinaluwas du, saga a'a buta in sigām maka'nda' du pabīng. Sinoho' aku e'na amuwasan sasuku ni'inyaya,

Kahinangan 10:38

Kata'uwanbi pasal si Isa, a'a Nasaret, in iya bay pinaniya'an Rū Sussi e' Tuhan, maka binuwanan barakat. Bay iya angalatag kaluma'an maghinang ahāp. Maka sasuku isab bay ma pang'ntanan nakura' saitan kauli'an e'na, sabab ina'an asal Tuhan ma iya.

Hibrani 1:9

Kasulutan ka ma ai-ai abontol, kab'nsihannu ai-ai ala'at. Angkan ka pinene' pinalanga e' Tuhannu, angkan ka binuwanan kakōgan maka kabantugan labi gi' min bay pamuwanna ma kasehe'annu.”

Pamabukisan 11:15

Na, ya mala'ikat katapusan amah'lling na tiyup-tiyupna. Magtūy aniya' saga suwala atanog takale min deyom sulga', yuk-i, “In dunya itu kapagparintahan na e' Panghū'tam Tuhan maka Al-Masi ya tapene'na. Taptap kapagparintana sampay ni kasaumulan!”

Pamabukisan 12:10

Puwas e', aniya' takaleku suwala akosog ah'lling min deyom sulga', yukna, “Ta'abut na waktu kapangalappas Tuhan ma manusiya'. Pina'nda'an na e' Tuhan ya kosog kapagparintana. Pina'nda'an na isab kapatut Al-Masi ya tapene'na. Sabab nakura' saitan bay anuntutan danakantam llaw-sangom ma alopan Tuhan, ina'an na bay nilarukan paluwas min sulga'.

Pamabukisan 17:17

Buwattē' hinang sigām sabab pinapikil sigām e' Tuhan angahinang kabaya'anna. Min kahandakna, ya angkan atayudtud kagara'an sangpū' sultan inān anukbalan kapatut sigām ni sattuwa talun, sampay ta'abut atuman kamemon bay pangallam Tuhan.