Hibrani 10:6 - Kitab Injil and Kitab Awal-Jaman

⁶ Mbal ka kasulutan ma katibu'ukan hayop tinunu' pagkulban, atawa ginisan lalabotan ya tinukbal pama'ampun dusa.

Hibrani 10:6 ပူးပေါင်းရင်းမြစ်များ

Kalangan 40:6

Ngga'i ka tutukbalan maka tapung ya pagmatayannu, ngga'i ka susumbali'an tinunu', ngga'i ka tataubatan dusa ya kagunahannu. Saguwā' tin'bbok e'nu taingaku, hatina pinakale aku.

Matiyu 3:17

Aniya' isab suwala ah'lling min deyom sulga' yuk-i, “Iya na itu Anakku kalasahanku, landu' makasulut atayku.”

Epesos 5:2

Subay kam alasa na pa'in, buwat kalasa Al-Masi ma ka'am. Bay paglilla'na baranna ni kamatay ma sababbi, tinukbal ni Tuhan sali' dalil pagkulban, sali' lalabotan ahāp hamutna pamasulut atay Tuhan.

Pilipi 4:18

Bo' kata'uwanbi, tasambutku na kamemon bay pabeya'anbi aku, magsukul. Gom pa'in palabi lagi', jari halam aniya' kulangku, sabab itiya' na isab paglasa ya bay pabowabi ma si Epaprode. Sapantun lalabotan ahamut ko' itu, tinukbalan ni Tuhan. Kasulutan isab iya.

Hibrani 10:4

Mattan du, laha' sapi' maka laha' kambing mbal makapuwasan dusa manusiya'.

1 Samwel 15:22

Yuk sambung si Samwel ma si Sa'ul, “Kasulutan bahā' si Yawe ma saga susumbali'an tinunu' maka tutukbalan pagtaubat labi lagi' min pameya'ta ma saga panoho'anna? Ahāp lagi' magkahagad ma panoho'an Tuhan min amowa tutukbalan. Ahāp lagi' ameya' ma kabaya'anna min anukbal lanab min saga bili-bili l'lla.