Epesos 5:30 - Kitab Injil and Kitab Awal-Jaman

³⁰ sabab sapantun kitam pagdayaw baranna.

Epesos 5:30 ပူးပေါင်းရင်းမြစ်များ

Panagna'an 2:23

Angabtang magtūy l'lla, yukna, “Ndū', itiya' na sali'ku. Bokog sin bokogku, isi sin isiku. Ōnanku iya ‘d'nda’ sabab bay iya ningā' min l'lla.”

Rōm 12:5

Buwattē' isab ma kitam magpangandol ma si Isa. Minsan kitam aheka, sapantun kitam dakayu' baran atibu'uk pagka suku' kitam Al-Masi. Magsugpat kitam dangan maka dangan minsan magbidda' kahinangantam, buwat pagdayaw baran.

1 Kurintu 6:15

Kata'uwanbi na in kitam angandol ma Al-Masi, saga barantam itu sali' dalil pagdayaw pamaranan Al-Masi. Angkanna, bang a'a binista sali' pagdayaw baran Al-Masi, mbal patut bang iya pahulid ni d'nda ala'at hinangna.

Epesos 1:23

ya dalil pagdayaw pamasugpat baranna, ya amuwan kajatuhan ma ai-ai kamemon.

Epesos 5:29

Sabab halam aniya' ab'nsihan baranna, gom pa'in pakanna maka pahilala'na pahāp, buwat kapahilala' Al-Masi ma kitam saga jama'ana,

Kolossa 2:19

Tu'ud sigām pabutas min Al-Masi ya po'onan kallum sigām. Buwat sapantun baran, Al-Masi ya kōkna, maka kitam ya pagdayawna. Jari magdalos pagdayaw itu maka kōk pagka aniya' ugat paralosanna. Angkan kitam itu, ya dalil pagdayaw Al-Masi, pasōngna pa'in kosogtam ma sabab Tuhan ya magkabaya'an.