2 Kurintu 4:8 - Kitab Injil and Kitab Awal-Jaman

⁸ Maumu kami kat'kkahan kasusahan sagō' mbal kami tabowa-bowa katūyan. Suma'an asasaw pikilan kami sagō' mbal alungay iman kami.

2 Kurintu 4:8 ပူးပေါင်းရင်းမြစ်များ

Kalangan 37:33

saguwā' mbal pinasagaran he' si Yawe saga a'ana gina'os he' a'a jahulaka'. Bang sigām pinaharap ni huwis, mbal tugutanna sigām taluwa' hukuman.

Yahiya 14:18

“Minsan aku ala'an min ka'am, mbal kam siya-siyaku. Pabalik du aku pi'itu ni ka'am.

1 Kurintu 10:13

Kamemon sasat-manasat ya kalabayanbi mbal magbidda' maka sasat ya maumu kalabayan e' bangsa manusiya'. Maka kapangandolan Tuhan, angkan kam mbal pasagaranna sinasat labi min kosogbi. Sabab bang kam pinat'kkahan sasat sumiyan-sumiyan, tantu kam binuwanan e'na kosog ma waktu kasasat bo' kam makasandal, ati minnē' aniya' kapuwasanbi.

2 Kurintu 12:10

Ya ina'an sababanna angkan aku kasulutan ma ai-ai at'kka ni aku, alamma ka baranku atawa pinagudju'-udju' aku, magtiksa' aku atawa pininjala', atawa pinalabayan min kasusahan indaginis. Sandalanku ina'an kamemon ma sabab Al-Masi ya pameya'anku, sabab akosog aku ma waktu kalammaku.

2 Kurintu 6:12

Bang aniya' la'at-la'at ma deyom ataybi, ngga'i ka min kami. Halam kami pahondong alasa.

2 Kurintu 6:4

Gom du bang magmanyatakan ma ai-ai tahinang kami in kami b'nnal sosoho'an Tuhan, ma sabab katuyu' kami angimanan ai-ai tum'kka, ai-na ka kabinasahan, atawa kasigpitan atawa kasusahan.

2 Kurintu 7:5

Waktu pa'in kat'kka kami ni lahat Makidunya, halam aniya' halian kami sabab aniya' na pa'in pagsasawan maka paglugat. Magabut-abut isab kasusahan deyom atay.

Galatiya 4:20

Aheya kabaya'anku bang pa'in aku makamailu ma ka'am buwattina'an, bo' ahanunut pamissalaku ma ka'am. Sabab alengog pikilanku ma pasalanbi.

1 Samwel 28:15

Yuk si Samwel ni iya, “Angay lagi' aku sasatnu pagka aku bay soho'nu pinabangun?” Anambung si Sa'ul, yukna, “Landu' aheya kasukkalanku. Itiya' aku binono' e' saga a'a Pilistin, maka tinaikutan na aku e' PANGHŪꞋ. Mbal na sinambungan pangaruku, ai naka ma uppi atawa pinalabay min saga nabi. Angkan ka bay soho'ku pinalinganan bo' supaya aku pituwahannu bang ai subay hinangku.”

1 Samwel 30:6

Aheya isab kasusahan si Da'ud sabab pinagbambahan iya binantung e' saga a'ana kabowa astol sigām ma pasalan kasaggaw saga anak sigām d'nda-l'lla. Malaingkan pakosog iman si Da'ud ma sabab pangandolna ma si Yawe ya Tuhanna.

1 Samwel 31:4

Angkan iya ah'lling ni a'a magbobowa pakokosna, yukna, “Hublutun na kalisnu ilu bo' aku papatayun, pād-pād saga kapil itu angandugsu'an aku maka anganjahulaka'an baranku.” Saguwā' landu' tināw magbobowa pakokos inān angkan mbal tahinangna panoho'an si Sa'ul e'. Pagka buwattē', ningā' e' si Sa'ul kalisna bo' iya amapatay di-na.