1 Timuti 6:6 - Kitab Injil and Kitab Awal-Jaman

⁶ B'nnal isab, aheya untungta bang kita magsukul sadja ma ai-ai pangangganta' kita.

1 Timuti 6:6 ပူးပေါင်းရင်းမြစ်များ

Kalangan 37:16

Minsan akulang ai-ai ya palsuku'an ma saga a'a abontol, labi ahalga' ko' inān min alta' manglabi-labihan ya palsuku'an saga a'a ala'at.

Kalangan 84:11

Sabab Tuhan Yawe sali' ād maka tampan ma saga a'ana. Amuwan iya hulmat maka mahaltabat. Sasuku ahongpot tebongna mbal kinaiskutan he' Tuhan ai-ai ahāp.

Paglappas 2:21

Na, kasulutan si Musa maglahat maina'an, ati pinapagā' iya e' si Jetro maka anakna si Sippura.

Lukas 12:15

Sinugpatan isab lling si Isa ma saga a'a inān, yuk-i, “Kamaya'-maya' kam. Halli'inbi napsu indaginis sabab minsan kam dayahan makalandu', ngga'i ka karayabi aheka ya makabuwanan ka'am kallum.”

Lukas 3:14

Ya du saga sundalu, bay atilaw ma si Yahiya. Yuk sigām, “Kami sundalu itu, ai subay hinang kami?” Ya sambung si Yahiya, “Da'a kam angalangpas, da'a kam anumbung ni sara' ma ngga'i ka b'nnal. Maka da'a kam anawad ma gadjibi.”

Rōm 8:28

Ya ko' itu kata'uwantam: nihinangan kitam kahāpan e' Tuhan ma deyom pakaradja'an indaginis ahāp-ala'at, pagka kitam alasa ma iya. Jari minsan buwattingga pakaradja'an ya kalabayantam, ahāp sadja kaluwasanna.

2 Kurintu 4:17

Pinjaman sadja saga kasusahan ya tananam kami itu, mbal bista kami sabab ya kamattihanna pahala' mbal tapula'-pula', anatas ni kasaumulan, magbidda' to'ongan maka bay kasusahan e'.

Pilipi 1:21

Sabab ahalga' ma atayku Al-Masi sat'ggolku allum. Maka bang aku ganta' amatay na, labi ahāp to'ongan.

1 Timuti 4:8

Bang baranta ya pakosogta, aniya' du kagunahanna minsan mbal aheya. Sagō' bang pakosogta pangandolta tudju ni Tuhan supaya tabeya'ta kabaya'anna, aheya to'ongan kagunahanna. Sabab minnē' kita tabowa ni kahāpan, ngga'i ka hal ma dunya ītu, sampay isab ma dunya dakayu'.

1 Timuti 6:8

Angkanna kita subay mbal anawad. Bang pa'in aniya' napakata maka pan'mmekta, sarang na ko' he'.

Hibrani 13:5

Subay kam ahalli' isab ma napsubi bo' kam mbal ameya' ma bahaya pilak. Da'a kam atawad min bay pangangganta' ka'am, sabab aniya' du Tuhan amaruli, buwat yukna, “Mbal kam bbahanku, mbal kam pasagaranku saumul-umul.”