1 Timuti 4:8 - Kitab Injil and Kitab Awal-Jaman

⁸ Bang baranta ya pakosogta, aniya' du kagunahanna minsan mbal aheya. Sagō' bang pakosogta pangandolta tudju ni Tuhan supaya tabeya'ta kabaya'anna, aheya to'ongan kagunahanna. Sabab minnē' kita tabowa ni kahāpan, ngga'i ka hal ma dunya ītu, sampay isab ma dunya dakayu'.

1 Timuti 4:8 ပူးပေါင်းရင်းမြစ်များ

Kalangan 37:11

Sagō' saga a'a areyo' pangatayanna pinasuku'an lahat itu, ati halam aniya' makasasaw kasannangan sigām.

Kalangan 37:29

Pamusaka' ma a'a ahāp ya lahat sigām porol, ati maglahat sigām maina'an salama-lama tahun.

Kalangan 37:9

Sabab pinahalam saga a'a ala'at kajarihanna, saguwā' sasuku angasa ma PANGHŪꞋ pinusaka'an lahat itu.

Kalangan 84:11

Sabab Tuhan Yawe sali' ād maka tampan ma saga a'ana. Amuwan iya hulmat maka mahaltabat. Sasuku ahongpot tebongna mbal kinaiskutan he' Tuhan ai-ai ahāp.

Matiyu 12:32

Sai-sai amah'lling la'at ma aku, Anak Manusiya', makajari niampun dusana. Sagō' sai-sai amah'lling la'at ma Rū Sussi, mbal to'ongan niampun dusana, ai-na ka ma masa itu, ai-na ka ma masa sinōng.”

Matiyu 19:29

Sasuku bay ang'bbahan luma'na atawa danakanna, atawa ina'-mma'na, atawa panganakna, atawa tana'na, ma sabab katuyu'na ma aku, tinungbasan du iya paheka e' Tuhan, lipat manglipat min bay bbahanna. Maka kaniya'an du iya kallum taptap ni kasaumulan.

Matiyu 6:33

Sagō' muna-muna kannalunbi pagparinta Tuhan maka kabontolan atay ya kabaya'anna. Manjari pinaniya'an du kam ai-ai kulang-kabusbi.

Markus 10:30

tinungbasan du iya paheka e' Tuhan ma dunya itu-i. Tinungbasan iya luma', danakan, ina', panganak, maka tana', lipat manglipat min bay bbahanna. Sagō' pinat'kkahan iya kala'atan isab ma dunya itu ma sabab pameya'na ma aku. Ma dunya ahirat pinasuku'an du iya kallum taptap ni kasaumulan.

Lukas 5:38

Sagō' in binu baha'u subay ni'isi ni pangisihan baha'u.”

Rōm 8:28

Ya ko' itu kata'uwantam: nihinangan kitam kahāpan e' Tuhan ma deyom pakaradja'an indaginis ahāp-ala'at, pagka kitam alasa ma iya. Jari minsan buwattingga pakaradja'an ya kalabayantam, ahāp sadja kaluwasanna.

1 Kurintu 3:22

Kami maka si Apollos maka si Petros, tahinang sosoho'anbi bo' kam kaniya'an kahāpan. Sampay dunya itu maka ai-ai paniya' ma buwattina'an atawa ma sinosōng, minsan isab kallum maka kamatay, ma ka'am isab bo' supaya kam kaniya'an kahāpan.

1 Kurintu 8:8

Sagō' ngga'i ka kinakanta ya amowa kita pasekot ni Tuhan. Mbal kinulangan kahāpta ma sabab aniya' mbal kakanta. Mbal isab kin'nnopan kahāpta ma sabab aniya' kakanta.

1 Timuti 4:7

Sagō' da'a ka angikut ma saga kissa-kissa nsa'-bidda', ya halam aniya' kapūsanna. Patanamun akkal-pikilannu bo' taptap ahāp pameya'nu ma kabaya'an Tuhan.

1 Timuti 6:3

Bang aniya' mailu magpandu', bo' saddī pamandu'na min pandu' kasab'nnalan bay min Panghū'tam si Isa Al-Masi, maka bang saddī isab min pandu' ya amowa kitam maghinang kabaya'an Tuhan,

1 Timuti 6:5

Jari magsagga' na pa'in saga a'a itu. Asagut deyom pikilan sigām, maka mbal na tasilang e' sigām pandu' kasab'nnalan. Ma pangannal sigām, bang sigām magagama magdaya du sigām.

1 Timuti 6:6

B'nnal isab, aheya untungta bang kita magsukul sadja ma ai-ai pangangganta' kita.

2 Timuti 3:5

B'nnal sigām magagama sagō' halam aniya' pūsna sabab mbal sigām bilahi pinindahan pangatayan. Oto' halli'in saga a'a buwattē'.

Titus 3:8

B'nnal sadja ya pah'llingku itu. Kabaya'anku subay ka amandu' pahāp-hāp pasal saga pandu'ku ya ma deyom sulat itu. Soho'un saga a'a ilu angikut to'ongan bo' supaya sasuku sigām magkahagad ma Tuhan magmatuyu' na pa'in maghinang ahāp. Ahāp asal hinang sigām buwattē', maka aniya' kagunahanna ma a'a kamemon.

Hibrani 13:9

Da'a kam abowa-bowa e' pandu' magsaddī-saddī, supaya kam mbal pabidda' min pandu' b'nnal. Ahāp bang lasa maka ase' Tuhan ya ginuna pamakosog palnyawahanta, da'a na panoho'an pasal kapamangan. Halam aniya' paluntungan saga a'a pinagbaya'an e' panoho'an buwattē'.

1 Yahiya 2:25

Panganjanji' Al-Masi ko' itu ma kitam, hatina kallum taptap ni kasaumulan.

Pamabukisan 3:12

Sasuku mbal tabowa e' sasat-manasat, paheyaku du ma haddarat Tuhan. Pataptap iya maina'an, mbal to'ongan ala'an minnē' salama-lama. Sulatku ōn Tuhanku ma baranna, maka ōn da'ira Tuhan ya niōnan Awrusalam Baha'u. Ya na ko' itu da'ira song pinareyo' min sulga', min Tuhanku. Sulatku isab ōnku baha'u ma baran saga a'aku inān.

Pamabukisan 3:21

Sasuku anganda'ug maka mbal tabowa e' sasat-manasat, buwananku du kapatut magsamatingkō' maka aku ma tingkō'anku bangsahan. Pasali' du iya ni aku pagka tara'ugku palbantahanku ati aningkō' aku ma bihing Mma'ku, ma paningkō'anna bangsahan.

1 Samwel 15:22

Yuk sambung si Samwel ma si Sa'ul, “Kasulutan bahā' si Yawe ma saga susumbali'an tinunu' maka tutukbalan pagtaubat labi lagi' min pameya'ta ma saga panoho'anna? Ahāp lagi' magkahagad ma panoho'an Tuhan min amowa tutukbalan. Ahāp lagi' ameya' ma kabaya'anna min anukbal lanab min saga bili-bili l'lla.