1 Samwel 31:1 - Kitab Injil and Kitab Awal-Jaman

¹ Manjari itu, parugpak saga Pilistin ni saga sundalu bangsa Isra'il ati aheka bangsa Isra'il amatay ma Būd Gilbowa. Malaingkan in kasehe'an bay makalahi.

1 Samwel 31:1 ပူးပေါင်းရင်းမြစ်များ

1 Samwel 12:25

Sagō' bang kam pasangdan na pa'in angahinang kala'atan, tantu ka'am maka sultanbi ilu aligis.”

1 Samwel 28:1

Manjari palabay pa'in waktu, pinapagtipun saga sundalu bangsa Pilistin supaya amowa magbono' ma bangsa Isra'il. Ah'lling si Akis ni si Da'ud, yukna, “Tahatinu du in ka'a maka saga tendognu ilu subay pagapi' ma aku ma pagbono'an.”

1 Samwel 28:15

Yuk si Samwel ni iya, “Angay lagi' aku sasatnu pagka aku bay soho'nu pinabangun?” Anambung si Sa'ul, yukna, “Landu' aheya kasukkalanku. Itiya' aku binono' e' saga a'a Pilistin, maka tinaikutan na aku e' PANGHŪꞋ. Mbal na sinambungan pangaruku, ai naka ma uppi atawa pinalabay min saga nabi. Angkan ka bay soho'ku pinalinganan bo' supaya aku pituwahannu bang ai subay hinangku.”

1 Samwel 28:19

Jari in ka'a maka saga bangsa Isra'il marai' na tinukbalan e' PANGHŪꞋ ni komkoman bangsa Pilistin. Pagsalung,” yuk umagad si Samwel, “ka'a maka saga anaknu l'lla parakayu' du ma aku maitu ma ahirat. Damikiyanna isab saga sundalu bangsa Isra'il, tinukbalan e' PANGHŪꞋ ni komkoman bangsa Pilistin.”

1 Samwel 28:4

Sakali itu, magtipun na saga sundalu Pilistin bo' pehē' magpustu ma Sunem. Pasalta' in si Sa'ul bay amatimuk saga sundaluna bangsa Isra'il bo' magpustu ma Gilbowa.

1 Samwel 29:1

Na, magtipun na kamemon sundalu bangsa Pilistin ma Apek, ati in sundalu bangsa Isra'il ina'an magpustu ma atag tigbaw ma Jesde'el.