1 Samwel 30:3 - Kitab Injil and Kitab Awal-Jaman

³ Na, pagt'kka si Da'ud maka saga a'ana ni kauman Siklag inān, ta'nda' e' sigām atunu' kamemon, maka saga anak-h'nda sigām wa'i bay nilahiyan.

1 Samwel 30:3 ပူးပေါင်းရင်းမြစ်များ

Hibrani 12:6

Sabab bi'atku du sasuku kalasahanku. Palabayku isab min kabinasahan sasuku ōnanku anak.”

Pamabukisan 3:9

Pakale kam! Saga a'a magbau'-bau' ilu in sigām bangsa Yahudi suku' Tuhan kono', hal magputing. Suku' saitan sigām. Ma waktu sinōng, bowaku du sigām pasujud ni tape'bi, jari kinata'uwan e' sigām kamemon in ka'am kalasahanku.

1 Samwel 27:3

Sakali maina'an sigām pahanti' ma Gāt, ma okoman si Akis. Maina'an sigām pahanti' ma okoman sultan e', sigām kaniya-kaniya maka anak-h'nda sigām. Ina'an isab si Da'ud maka duwa h'ndana, ya na si Ahinowam min Jesde'el maka si Abigail min Karmel, ya bay balu si Nabal.

1 Samwel 30:2

tasaggaw isab kamemon kar'ndahan sampay saga a'a kamemon onde'-matto'a ya bay maina'an. Malaingkan halam aniya' bay pinapatay minsan dakayu', hal bay sinaggaw e' saga a'a Amalek bo' binowa ala'an.

1 Samwel 30:4

Angkan maglemong disi Da'ud sampay sigām apaya na e' paglemong sigām.