1 Samwel 28:3 - Kitab Injil and Kitab Awal-Jaman

³ Malaingkan in si Samwel bay na asal amatay. Bay na iya pinagdukka'an e' kamemon saga jama'a Isra'il, ati wa'i bay kinubul e' sigām ma Rama, ya lahatna luggiya'. Ma waktu he'-i, bay na asal tin'ggal e' si Sa'ul kamemon saga a'a magpang'nda' umagad maka saga magjijīn min lahat Isra'il.

1 Samwel 28:3 ပူးပေါင်းရင်းမြစ်များ

Paglappas 22:17

Sagō' bang mbal angaho' matto'a d'nda itu maka mbal tabowa magsulut, na, mbal nilanjalan pagkawin. Ya l'lla inān subay amayad kasā'an, pila-pila ya kataluwa'an pangungsud budjang.

Paglappas 22:18

“D'nda maghihinang pantak atawa palkata'an subay pinapatay.

1 Samwel 15:23

Pinasali' ni dusa magpuputika' ya dusa a'a anagga' ma PANGHŪꞋ, maka bang a'a magmalangkahi, pasali' la'atna ni pagsumba ni saga ta'u-ta'u. Ma pasalan kataikutnu min panoho'an PANGHŪꞋ-Yawe, tinaikutan isab he'na kapagsultannu.”

1 Samwel 25:1

Manjari amatay na si Samwel ati magtipun kamemon saga a'a Isra'il magdukkahan iya bo' yampa iya kinubul ma atag luma'na ma Rama. Pagubus, in si Da'ud bay palūd ni paslangan Ma'on.

1 Samwel 28:9

Sagō' yuk sambung d'nda, “Tantu kasakupannu bang ai ya bay panoho'an si Sa'ul. Bay pala'anna min lahat Isra'il kamemon saga a'a maglilingan umagad maka saga magjijīn. Tu'ud ko' ka'a ilu pasulay anganjallat aku bo' supaya aku pinat'nna'an hukuman ni kamatay.”

1 Samwel 7:17

Saguwā' amole' na pa'in iya ni kauman Rama, ya lahatna porol. Maina'an isab iya amal'ngngan kapagmakōkna ma saga a'a Isra'il. Aniya' isab pagtutukbalan bay nihinang e' si Samwel ma Rama inān pangahulmat ma si Yawe.